தென்காசி: தென்காசி மாவட்டம் கடையநல்லூரை சேர்ந்த காளிபாண்டி என்பவர் இருசக்கர வாகனம் மோதியதில் கையில் காயம் ஏற்பட்டது. அதன்பின் சிகிச்சைக்காக தென்காசி அரசு மாவட்ட தலைமை மருத்துவமனைக்கு சென்றார். அங்கு அவருக்கு காகிதத்தில் எக்ஸ்ரே பிரிண்ட் கொடுக்கப்பட்டது. டாக்டரை பார்க்க சென்றபோது டாக்டர் இல்லாததால் அதிருப்தி அடைந்து தனியார் மருத்துவமனைக்கு சென்றதாக கூறப்படுகிறது.
அங்கு டாக்டர், பிரிண்ட் சரியாக கண்டறிய முடியாததால் ரூ. 500 செலுத்தி தனியார் ஆய்வகத்தில் எக்ஸ்ரே எடுக்கப்பட்டு சிகிச்சை அளிக்கப்பட்டது. அவரது புகார் சில ஊடகங்களில் வெளியானது. இதுகுறித்து, தென்காசி அரசு மாவட்ட தலைமை மருத்துவமனை கண்காணிப்பாளர் ஜெஸ்லின் வெளியிட்டுள்ள அறிக்கையில், ”தென்காசி அரசு மாவட்ட தலைமை மருத்துவமனையில் 15 ஆண்டுகளுக்கும் மேலாக டிஜிட்டல் எக்ஸ்ரே வசதி செயல்பட்டு வருகிறது.
எக்ஸ்ரே பிரிவில் கடந்த ஓராண்டு முதல் பேக்ஸ் என்ற நவீன வசதி அமல்படுத்தப்பட்டது. அதாவது, எக்ஸ்ரே பிரிவில் எடுக்கப்படும் எக்ஸ்ரே, மருத்துவமனை புறநோயாளிகள் பிரிவு, அவசர சிகிச்சைப் பிரிவு, அறுவை சிகிச்சை அறை ஆகியவற்றில் உள்ள கணினியில் டாக்டர்கள் உடனடியாக பார்க்கும் வகையில் உருவாக்கப்பட்டுள்ளது. கடந்த காலங்களில் எக்ஸ்ரே எடுப்பவர்கள் தற்போது எக்ஸ்ரே ஃபிலிம் கையிருப்பில் இருந்தால், 50 ரூபாய் மட்டுமே வழங்கப்படுகிறது. நோயாளிகள் தங்கள் பணத்தை தேவையில்லாமல் செலவழிப்பதைத் தடுக்க மட்டுமே இந்த வசதி செயல்படுத்தப்பட்டு A4 தாளில் பிரிண்ட் அவுட் வழங்கப்படுகிறது.
ஏ4 தாளில் அச்சடிக்கும் வசதி இலவசமாக வழங்கப்படுகிறது. எக்ஸ்ரே பிலிம் தேவைப்படும் நோயாளிகளுக்கும், கட்டாயம் கேட்கும் நோயாளிகளுக்கும் ஒரு படத்துக்கு ரூ.50 என அரசு நிர்ணயித்த தொகையில் வழங்கப்படுகிறது. அந்த நபர் A4 பேப்பரில் எக்ஸ்ரே பிரிண்ட் எடுத்துக்கொண்டு மதியம் 12.45 மணியளவில் அவசர சிகிச்சைப் பிரிவில் பணியில் இருந்த எலும்பு முறிவு மருத்துவரிடம் சென்றார்.
கையில் இருந்த பேப்பரைப் பார்க்காமல், கம்ப்யூட்டரில் தன் படத்தைப் பார்த்து, எலும்பு முறிவு இல்லை என்றும், மாத்திரை சாப்பிட்டு, மூன்று நாட்கள் கை ஓய்ந்தால் சரியாகிவிடும் என்றும் சொன்னார். “எக்ஸ்ரே ஷீட்டை கையில் எடுத்து, சரியாகப் பார்க்காமல் டாக்டர் அலட்சியமாக சிகிச்சை அளித்ததாக புகார் கூறினார்.
