விழுப்புரம்: விழுப்புரம் மாவட்டத்தில் ஃபென்ஜால் புயல் காரணமாக வரலாறு காணாத மழை பெய்து பலத்த சேதத்தை ஏற்படுத்தியது. இதன் காரணமாக விழுப்புரம் மாவட்டத்தில் உள்ள அனைத்து பள்ளி, கல்லூரிகளுக்கு கடந்த 26-ம் தேதி முதல் 7-ம் தேதி வரை ஒரு வாரம் விடுமுறை அறிவிக்கப்பட்டது.
ஒரு வார விடுமுறைக்கு பிறகு இன்று வழக்கம் போல் பள்ளி, கல்லூரிகள் திறக்கப்பட்ட நிலையில் 7 அரசு பள்ளிகளுக்கு மட்டும் மறு அறிவிப்பு வரும் வரை விடுமுறை அளிக்கப்பட்டுள்ளது. வெள்ளத்தால் சேதமடைந்த பள்ளிகளில் புனரமைப்பு மற்றும் துப்புரவு பணிகள் நடைபெற்று வருவதால் விடுமுறை அறிவிக்கப்பட்டுள்ளது. மறுஅறிவிப்பு வரை விடுமுறை அறிவிக்கப்பட்டுள்ள அரசுப் பள்ளிகளின் விவரம் வருமாறு:-
திருவெண்ணெய்நல்லூர் அரசு பெண்கள் மேல்நிலைப் பள்ளி, திருவெண்ணெய்நல்லூர் ஒன்றியம் சிறுமதுரை ஊராட்சி ஒன்றிய தொடக்கப் பள்ளி, மரக்காணம் ஒன்றியம் ஓமந்தூர் ஊராட்சி ஒன்றிய தொடக்கப் பள்ளி, மரக்காணம் ஒன்றியம் நாரவாக்கம் ஊராட்சி ஒன்றிய தொடக்கப் பள்ளி, மரக்காணம் ஒன்றியம் கந்தாடு அரசு ஆதி திராவிடர் நலத் தொடக்கப் பள்ளி, மரக்காணம் ஒன்றியம் வண்டிப்பாளையம் ஊராட்சி ஒன்றிய தொடக்கப் பள்ளி. மரக்காணம் ஒன்றியம் கீழ்சித்தாமூர் அரசு ஆதி திராவிடர் நல துவக்கப்பள்ளி அறிவிக்கப்பட்டுள்ளது.
