ஐதராபாத்: தெலுங்கில் ‘35 சின்ன கத காடு’ படத்தில் இடம்பெற்ற திருப்பதி ஏழுமலையான் கோவில் காட்சிகள் தற்போது சர்ச்சையை உருவாக்கியுள்ளது. திருப்பதி ஏழுமலையான் கோவிலில் படப்பிடிப்பு நடத்த அனுமதி இல்லை. இந்நிலையில் கடந்த செப்டம்பர் மாதம் ஓடிடியில் வெளியான ‘35 சின்ன கதா காடு’. இந்தப் படம் 2 மாதங்களாக ரசிகர்களால் அதிகம் கவனிக்கப்படவில்லை.
ஆனால் சில நாட்களுக்கு முன்பு படத்திற்கு ரசிகர்கள் கூட்டம் அதிகரித்தது. இதனை தொடர்ந்து ஏழுமலையான் கோவிலில் ஹீரோ இருக்கும் காட்சி படத்தில் இடம்பெற்றுள்ளது. இதை பார்த்த ரசிகர்கள் அதிர்ச்சி அடைந்தனர். ஏழுமலையான் கோவிலை சுற்றி பல்வேறு காட்சிகள் எடுக்கப்படும் போது, இதை எப்படி படமாக்க அனுமதி வழங்கப்பட்டது என்ற கேள்வி எழுந்துள்ளது.
இது தொடர்பாக திருப்பதி கோயில் தேவஸ்தானத்துக்கு புகார் அனுப்பப்பட்டுள்ளது. இதையடுத்து தேவஸ்தான விஜிலென்ஸ் துறையினர் விசாரணை நடத்தி வருகின்றனர். சமீபத்தில் திருப்பதி மலையடிவாரத்தில் புஷ்பா படத்தின் பாடலுக்கு இளம்பெண் ஒருவர் நடனமாடி சர்ச்சையை கிளப்பியது குறிப்பிடத்தக்கது.
இந்நிலையில் திருப்பதி கோவிலில் யாருக்கும் தெரியாமல் ஒரு படத்தின் பல காட்சிகள் படமாக்கப்பட்டு வருவது பரபரப்பை ஏற்படுத்தியுள்ளது. இதில் கோவில் தரப்பில் யாருக்கேனும் தொடர்பு உள்ளதா என விசாரணை நடந்து வருவதாக கூறப்படுகிறது. படக்குழுவினருக்கும் நோட்டீஸ் அனுப்புகிறார்கள்.
