டிபிலிசி: ஜார்ஜியா ரஷ்யாவிற்கு அருகில் உள்ள நாடு. நாட்டில் ஜனாதிபதி பதவிக்கு நேரடி தேர்தல் முறை இருந்தது. ஜனாதிபதியை நேரடியாக தேர்ந்தெடுக்கும் முறை கடந்த 2017-ம் ஆண்டு ரத்து செய்யப்பட்டது. இந்நிலையில் அதிபர் தேர்தலில் ஆளும் ஜார்ஜியன் டிரீம் கட்சியின் வேட்பாளராக முன்னாள் கால்பந்து வீரர் மிகைல் கவேலஷ்விலி அறிவிக்கப்பட்டுள்ளார்.
நேற்று நடைபெற்ற தேர்தலில் புதிய அதிபராக மிகைல் கவேலாஷ்விலி தேர்ந்தெடுக்கப்பட்டார். 300 உறுப்பினர்களைக் கொண்ட நாடாளுமன்றத்தில் 224 வாக்குகளைப் பெற்று வெற்றி பெற்றதாக அறிவிக்கப்பட்டுள்ளது. கடந்த அக்டோபர் மாதம் நாடாளுமன்ற தேர்தல் நடைபெற்றது. பதவி விலகும் ஜனாதிபதி சலோமி சொரோபாச்விலி தேர்தலை புறக்கணித்தார். மேலும் தேர்தலில் முறைகேடுகள் நடந்துள்ளதாக கூறி மீண்டும் தேர்தலை நடத்த வேண்டும் என கோரிக்கை விடுத்துள்ளார்.
