வாஷிங்டன்: அமெரிக்க வானத்தை சுற்றி வரும் மர்ம ஆளில்லா விமானங்களை சுட்டு வீழ்த்த வேண்டும் என டிரம்ப் கூறியுள்ளார். அமெரிக்காவின் நியூஜெர்சி மாகாணத்தின் வானில் கடந்த சில நாட்களுக்கு முன்பு மர்ம ஆளில்லா விமானங்கள் பறந்தன. இதேபோல் மற்ற பகுதிகளிலும் மர்ம ஆளில்லா விமானங்கள் சுற்றி வருகின்றன.
அமெரிக்க அதிபராக பதவியேற்க உள்ள டிரம்ப்புக்கு சொந்தமான கோல்ஃப் மைதானத்தின் மீதும் மர்ம ஆளில்லா விமானங்கள் பறந்துள்ளன. இந்த ஆளில்லா விமானங்கள் தேசிய பாதுகாப்புக்கு எந்த அச்சுறுத்தலும் இல்லை என்று வெள்ளை மாளிகை தெரிவித்துள்ளது.
இந்நிலையில் அதிபராக பதவியேற்க உள்ள டிரம்ப் தனது சமூக வலைதள பக்கத்தில், “நாடு முழுவதும் மர்ம ஆளில்லா விமானங்கள் பறந்து வருகின்றன. இது அரசுக்கு தெரியாமல் நடக்கிறதா? நான் அப்படி நினைக்கவில்லை. இந்த மர்மமான ட்ரோன்களைப் பற்றி மக்களுக்குத் தெரியப்படுத்துங்கள் அல்லது அவற்றை சுட்டு வீழ்த்துங்கள் எனத் தெரிவித்துள்ளார்.
