திரையுலகில் நடிகர், நடிகைகள் எதிர்கொள்ளும் பாலியல் சுரண்டல் குறித்த விவாதம் மீண்டும் சூடுபிடித்துள்ளது. இந்த விவகாரம் தொடர்பாக நடிகை ரம்யா கிருஷ்ணன் தெரிவித்துள்ள கருத்துகள் திரையுலகினர் மத்தியில் கவனத்தை ஏற்படுத்தியுள்ளன.
சமீபத்தில் நடைபெற்ற நேர்காணல் ஒன்றில் பேசிய அவர், திரையுலகில் வாய்ப்புகளுக்காக பாலியல் ரீதியான அழுத்தங்கள் கொடுக்கப்படும் சம்பவங்கள் இருப்பதை மறுக்க முடியாது என்று தெரிவித்துள்ளார். இத்தகைய பிரச்சினைகள் பெண்களுக்கு மட்டுமின்றி ஆண்களுக்கும் ஏற்படுவதாகவும் அவர் குறிப்பிட்டுள்ளார்.
மேலும், சினிமா துறையில் மட்டுமே இதுபோன்ற சம்பவங்கள் நடைபெறுவதில்லை என்றும், பல்வேறு பணியிடங்கள் மற்றும் சமூகத்தின் பிற பகுதிகளிலும் பாலியல் சுரண்டல் நடைபெறுவதாகவும் அவர் கூறியுள்ளார். காலப்போக்கில் இதன் தன்மையும் அணுகுமுறையும் மாறினாலும் பிரச்சினை தொடர்ந்து இருப்பதாகத் தெரிவித்துள்ளார்.
மலையாளத் திரையுலகில் நீதிபதி ஹேமா கமிட்டி அறிக்கை வெளியாகி பெண்கள் எதிர்கொள்ளும் பிரச்சினைகள் குறித்து நாடு முழுவதும் விவாதம் நடைபெற்ற நிலையில், ரம்யா கிருஷ்ணனின் கருத்துகள் மீண்டும் இந்த விவகாரத்தை முன்னிலைப்படுத்தியுள்ளன.
