சென்னை: விஜய் நடிக்கும் ஜனநாயகன் படத்தின் செகண்ட் லுக் இன்று மாலை 4 மணிக்கு வெளியிடப்படுகிறது என்று அறிவிக்கப்பட்டுள்ளது.
நடிகர் விஜய் மற்றும் இயக்குநர் எச். வினோத் கூட்டணியில் உருவாகும் தளபதி விஜய் நடிக்கும் 69 படமான ஜன நாயகன் படத்தின் ஃபர்ஸ்ட் லுக்கை படக்குழு தற்பொழுது வெளியிட்டுள்ளது. திரைப்படத்திற்கு `ஜன நாயகன்’ என்ற தலைப்பை வைத்துள்ளனர்.
அனிருத் இசையமைக்கும் இந்தப் படம் அடுத்தாண்டு பொங்கலுக்கு வெளியாகும் என்று எதிர்பார்க்கப்படுகிறது. இப்படத்தின் மீது ரசிகர்களுக்கு மிகப்பெரிய எதிர்பார்ப்பு உருவாகியுள்ளது. படத்தின் ஃபர்ஸ்ட்லுக் இணையத்தில் வைரலாகி வருகிறது. அந்த போஸ்டரில் விஜய் வாகனத்தின் மீது நின்று கொண்டு அவரது ரசிகர்களுடன் செல்பி எடுப்பது போல் காட்சி அமைந்துள்ளது.
இந்நிலையில் படத்தின் செகண்ட் லுக் போஸ்டரை இன்று மாலை 4 மணிக்கு வெளியிடப் போவதாக படக்குழு அறிவித்துள்ளது. எனவே விஜய்யின் ரசிகர்கள் டபுள் மகிழ்ச்சியில் உள்ளனர்.
