மும்பை: ஆப்கானிஸ்தானுக்கு எதிரான ஒருநாள் கிரிக்கெட் தொடரில் இருந்து இந்திய அணியின் நட்சத்திர பேட்ஸ்மேன் விராட் கோலி விலகியுள்ளதாக தகவல் வெளியாகியுள்ளது. ஐபிஎல் தொடரின் போது ஏற்பட்ட காயமே இதற்குக் காரணம் என கூறப்படுகிறது.
ஆப்கானிஸ்தான் கிரிக்கெட் அணி இந்தியாவில் சுற்றுப்பயணம் மேற்கொண்டுள்ளது. இரு அணிகளுக்கும் இடையிலான டெஸ்ட் போட்டி ஜூன் 6-ம் தேதி நடைபெற உள்ளது. அதன்பின்னர் மூன்று போட்டிகள் கொண்ட ஒருநாள் தொடர் நடைபெறுகிறது.
இந்த ஒருநாள் தொடருக்கான இந்திய அணியில் விராட் கோலி இடம்பெற்றிருந்தார். இந்நிலையில், சமீபத்தில் நிறைவடைந்த ஐபிஎல் 2026 தொடரில் ராயல் சேலஞ்சர்ஸ் பெங்களூரு அணிக்காக விளையாடிய கோலி, குஜராத் டைட்டன்ஸ் அணிக்கு எதிரான இறுதிப்போட்டியில் 42 பந்துகளில் 75 ரன்கள் குவித்து ஆட்டநாயகன் விருதை வென்றார்.
அந்த போட்டியின் போது அவரது வலது தொடை பகுதியில் காயம் ஏற்பட்டதாக கூறப்படுகிறது. இதன் காரணமாக ஆப்கானிஸ்தான் அணிக்கு எதிரான தொடரில் இருந்து அவர் விலகியுள்ளதாக தகவல் வெளியாகியுள்ளது.
ஏற்கெனவே ரோஹித் சர்மா மற்றும் ஹர்திக் பாண்டியா ஆகியோர் உடற்தகுதியை நிரூபித்தால் மட்டுமே தொடரில் பங்கேற்க முடியும் என்ற நிலை உள்ளது. இத்தகைய சூழலில் கோலியின் விலகல் இந்திய அணிக்கு பின்னடைவாக பார்க்கப்படுகிறது.
