பாட்ஷாபூர்: ஹரியானா மாநிலம் பாட்ஷாபூரில் நடைபெற்ற பாஜக தேர்தல் பிரசார கூட்டத்தில் பேசிய உள்துறை அமைச்சர் அமித்ஷா கூறியதாவது:-
ஹரியானாவில் ஒரு புதிய போக்கை நான் காண்கிறேன். காங்கிரஸ் பிரச்சார மேடைகளில் ‘பாகிஸ்தான் ஜிந்தாபாத்’ கோஷம் எழுப்பப்படுகிறது. காங்கிரஸ் தலைவர்கள் மற்றும் தொண்டர்கள் ‘பாகிஸ்தான் ஜிந்தாபாத்’ என்று கோஷமிடத் தொடங்கியதிலிருந்து நான் ராகுல் காந்தியிடம் கேட்க விரும்புகிறேன்.
ஏன் மௌனமாக இருக்கிறாய்? காங்கிரஸ் சமரச அரசியலில் பாராமுகமாக உள்ளது. காஷ்மீர் இந்தியாவின் ஒரு பகுதியா இல்லையா? சட்டப்பிரிவு 370 ரத்து செய்யப்பட வேண்டுமா, வேண்டாமா?
காங்கிரஸும், ராகுல் பாபாவும் 370 சட்டப்பிரிவை மீண்டும் கொண்டு வருவோம் என்கிறார்கள். ராகுல் காந்தியின் மூன்று தலைமுறைகளால் கூட அதை திரும்பக் கொண்டுவர முடியாது.
காஷ்மீரைக் காக்க ஹரியானா இளைஞர்களும் நிறைய தியாகங்களைச் செய்துள்ளனர். வீணாக போக விடமாட்டோம். வக்பு வாரிய சட்டம் பல பிரச்சனைகளை உண்டாக்குகிறதல்லவா? அதை செம்மைப்படுத்தி இந்த குளிர்கால கூட்டத்தொடரில் செயல்படுத்துவோம். இவ்வாறு அவர் கூறினார்.
முன்னதாக, வெள்ளிக்கிழமை நடைபெற்ற பாஜக தேர்தல் பிரசாரக் கூட்டத்தில் பேசிய அமித்ஷா, குறைந்தபட்ச ஆதரவு விலை குறித்து ராகுல் காந்தியிடம் கேள்வி எழுப்பினார்.
அவர், “ராகுல் பாபா… உங்களுக்கு எம்எஸ்பி நீட்டிப்பு தெரியுமா? காரீஃப் பயிர்கள் என்றால் என்ன? ராபி பயிர்கள் என்ன தெரியுமா? ஹரியானாவில் பாஜக அரசு 24 பயிர்களை குறைந்தபட்ச ஆதரவு விலையில் கொள்முதல் செய்கிறது.
காங்கிரஸ் ஆளும் மாநிலங்களில் எத்தனை பயிர்கள் கொள்முதல் செய்யப்படுகின்றன என்பதை அரியானா காங்கிரஸ் தலைவர்கள் கூறட்டும்,” என்றார்.
ஹரியானா மாநிலத்தில் ஒரே கட்டமாக அக்டோபர் 5-ம் தேதி சட்டப்பேரவைத் தேர்தல் நடைபெறுகிறது. வாக்குகள் 8-ம் தேதி எண்ணப்படுகின்றன.
