புதுடெல்லி: மணிப்பூரில் அமைதியை ஏற்படுத்த நாடாளுமன்றத்தில் இந்திய கூட்டணி அழுத்தம் கொடுக்கும் என்று ராகுல் காந்தி தெரிவித்துள்ளார்.
மணிப்பூரில் கடந்த ஆண்டு மே மாதம் மைதேய் மற்றும் குகி இனக்குழுக்களுக்கு இடையே வன்முறை ஏற்பட்டது. நீண்ட காலமாக நடந்த இந்த கலவரத்தில் சுமார் 200 பேர் உயிரிழந்தனர். பல வீடுகள் மற்றும் அரசு கட்டிடங்கள் தீக்கிரையாக்கப்பட்டன. இதனால் ஆயிரக்கணக்கான மக்கள் இடம்பெயர்ந்து முகாம்களில் தங்க வைக்கப்பட்டுள்ளனர். இதனிடையே, மக்களவை எதிர்க்கட்சித் தலைவர் ராகுல் காந்தி கடந்த திங்கட்கிழமை மணிப்பூர் சென்று 3 வெவ்வேறு மாவட்ட முகாம்களில் தங்கியுள்ள மக்களைச் சந்தித்துப் பேசினார்.
தங்களின் அவல நிலையை எடுத்துரைத்து, ராகுல் காந்தி அவர்களுக்காக போராட வேண்டும் என்றும், நாடாளுமன்றத்தில் குரல் எழுப்ப வேண்டும் என்றும் கேட்டுக் கொண்டனர். பின்னர் அவர்களிடம் பேசிய ராகுல், மணிப்பூர் விவகாரம் தொடர்பாக நாடாளுமன்றத்தில் அரசுக்கு அழுத்தம் கொடுப்போம். உங்கள் பிரச்சினைகளை நாடாளுமன்றத்தில் எழுப்புவேன். ஆனால் நீங்கள் எப்போது வீடு திரும்புவீர்கள் என்று என்னால் சொல்ல முடியாது. அதற்கு அரசு பதில் சொல்ல வேண்டும். அடுத்த பார்லிமென்ட் கூட்டத்தொடரில், உங்கள் பிரச்னையை எழுப்புவேன்,” என்றார்.
இது குறித்து ராகுல் காந்தி எக்ஸ் தளத்தில், “மணிப்பூரில் நடந்த வன்முறைக்குப் பிறகு, நான் 3 முறை அங்கு சென்றுள்ளேன். மக்கள் இன்னும் உயிருக்கு பயந்து நிவாரண முகாம்களில் தங்கியுள்ளனர்.
பிரதமர் மோடி மணிப்பூருக்குச் சென்று மக்களின் பிரச்னைகளைக் கேட்டு அமைதி காக்க வேண்டும். மணிப்பூரில் அமைதி நிலவ வேண்டும் என்பதை காங்கிரஸ் மற்றும் இந்திய கூட்டணி நாடாளுமன்றத்தில் வலியுறுத்தும்.
