சென்னை: சட்டசபையில் இருந்து வெளிநடப்பு செய்த பின், பா.ஜ., எம்.எல்.ஏ., நைனார் நாகேந்திரன் நிருபர்களிடம் கூறியதாவது:- மாணவி பாலியல் வன்கொடுமைக்கு கண்டனம் தெரிவித்து, பா.ஜ.,வினர் வெளிநடப்பு செய்தனர். அண்ணா பல்கலைக் கழகத்தில் இரவோடு இரவாக இந்தக் குற்றம் நடந்தது.
குற்றவாளி ஆளும் கட்சியை சேர்ந்தவர். குற்றவாளி மீது ஏற்கனவே 18 வழக்குகள் பதிவு செய்யப்பட்டுள்ளன. இதுபோன்ற சூழ்நிலையில், அவர் மீது இதுவரை எந்த நடவடிக்கையும் எடுக்கப்படவில்லை. அங்குள்ள சிசிடிவி வேலை செய்யாததற்கு யார் பொறுப்பு?
அண்ணா பல்கலைக்கழகம் விதிகளின்படி செயல்படுகிறதா? இது திட்டமிட்ட பாலியல் வன்கொடுமையாக கருதப்படுகிறது. உலகமே கேட்கும் ஒரே கேள்வி அது யார் சார்? . இந்த வார்த்தையை வைத்து படம் எடுக்கலாம். எனவே, அண்ணா பல்கலை. இவ்விவகாரத்தில் உரிய நடவடிக்கை எடுக்க வேண்டும். சிபிஐ விசாரணை நடத்த வேண்டும்.
தமிழ்த்தாய் வாழ்த்து முடிந்த உடனேயே தேசிய கீதம் பாடப்பட வேண்டும். தேசிய கீதம் பாடப்படுவதற்கு முன், ஆளுநரை முற்றுகையிட்டு, உரையை படிக்க அனுமதிக்காததால், கவர்னர் அங்கிருந்து சென்று விட்டார். தற்போது ஆளுநர் உரையை சபாநாயகர் படித்து வருகிறார். இவ்வாறு அவர் கூறினார்.
