ராமேஸ்வரம்: இலங்கை கடற்படையால் சிறைபிடிக்கப்பட்ட தமிழக மீனவர்கள் 11 பேரையும், படகின் உரிமையாளரும், ஆவணங்களுடன் நேரில் ஆஜராகும்படி, நிபந்தனையுடன் விடுவிக்க, இன்று (செப்டம்பர் 6), பருத்தித்துறை நீதிமன்றம் உத்தரவிட்டுள்ளது.
நாகை மாவட்டம் அக்கரைப்பேட்டையைச் சேர்ந்த சாந்தி பழனிசாமி என்பவருக்குச் சொந்தமான விசைப் படகில் மீன்பிடிக்கச் சென்ற நாகரத்தினம், சஞ்சய், பிரகாஷ், சுவாதி சுந்தர், சந்துரு, ரமேஷ், ஆனந்தவேல், சிவராஜ், வர்ஷன், சுமன், ராஜேந்திரன் ஆகிய 11 மீனவர்களை ஆகஸ்ட் 23-ம் தேதி இலங்கை கடற்படையினர் சிறைபிடித்தனர்.
இந்த 11 மீனவர்கள் மீதும் எல்லை தாண்டி மீன்பிடித்தல் மற்றும் தடை செய்யப்பட்ட வலைகளை பயன்படுத்துதல் ஆகிய பிரிவுகளின் கீழ் வழக்கு பதிவு செய்யப்பட்டு யாழ்ப்பாணம் சிறையில் அடைக்கப்பட்டனர்.
இந்நிலையில், வெள்ளிக்கிழமை இந்த வழக்கு பெர்த் நீதிமன்றத்தில் விசாரணைக்கு வந்தது. வழக்கை விசாரித்த நீதிபதி கிருஷாந்தன், இலங்கை எல்லைக்குள் மீண்டும் மீன்பிடித்தால் சிறை தண்டனை அனுபவிக்க வேண்டும் என்ற நிபந்தனையுடன் 11 மீனவர்களையும் விடுதலை செய்து உத்தரவிட்டார்.
மேலும், 2025 பிப்ரவரி 14-ம் தேதி ஆவணங்களுடன் நீதிமன்றத்தில் ஆஜராகுமாறு படகின் உரிமையாளருக்கு உத்தரவிட்டு வழக்கை ஒத்திவைத்த நீதிபதி, விடுவிக்கப்பட்ட 11 மீனவர்களும் யாழ்ப்பாணத்தில் உள்ள இந்திய துணைத் தூதரகத்தில் ஒப்படைக்கப்பட்டனர்.
