மன்னிப்பு கேட்க முடியாது… கனிமொழிக்கு அண்ணாமலை நோட்டீஸ்

சென்னை: சொத்து பட்டியல் விவகாரம் தொடர்பாக திமுக எம்பி கனிமொழி நோட்டீஸ் அனுப்பியதற்கு மன்னிப்பு கேட்க முடியாது என தமிழக பாஜக தலைவர் அண்ணாமலை தெரிவித்துள்ளார். சென்னையில் ஏப்ரல் 14ஆம் தேதி செய்தியாளர்களைச் சந்தித்த பாஜக மாநிலத் தலைவர் அண்ணாமலை, திமுக உறுப்பினர்கள் மற்றும் அமைச்சர்களின் சொத்துப் பட்டியலை வெளியிட்டார்.

அதில், ஒவ்வொருவருக்கும் எவ்வளவு சொத்து உள்ளது என்பதை காட்டும் வீடியோவையும் வெளியிட்டார். இப்பிரச்னை குறித்து அண்ணாமலைக்கு, திமுக எம்.பி. கனிமொழி நோட்டீஸ் அனுப்பியிருந்தார். அதில், அடிப்படை ஆதாரம் இல்லாமல் அவதூறான வீடியோவை வெளியிட்ட அண்ணாமலைக்கு ஒரு கோடி ரூபாய் இழப்பீடு வழங்க வேண்டும் என்றும், அவதூறு வீடியோவை 48 மணி நேரத்தில் உடனடியாக நீக்க வேண்டும் என்றும் கூறப்பட்டிருந்தது. தவறினால் அண்ணாமலை மீது உரிய நடவடிக்கை எடுக்கப்படும் என்றார் கனிமொழி.

இந்நிலையில் கனிமொழிக்கு அண்ணாமலை சார்பில் வழக்கறிஞர் நோட்டீஸ் அனுப்பியுள்ளார். அதில், கனிமொழியின் சொத்து விவரங்களை வெளியிட்டதற்காக மன்னிப்பு கேட்க மாட்டேன் என அண்ணாமலை தெரிவித்துள்ளார். சட்ட நடவடிக்கை மூலம் அவரது குரலை ஒருபோதும் அடக்க முடியாது என்றும் தெரிவிக்கப்பட்டுள்ளது.