கடந்த சில நாட்களாக தமிழகத்தில் கோடை வெப்பம் சுட்டெரித்து வருகிறது. அதே நேரத்தில், சில இடங்களில் கோடை மழையும் காணப்பட்டது. இந்த சூழலில், அக்னி நட்சத்திரம் எனப்படும் ‘கத்திரி’ வெப்ப அலை 4-ம் தேதி தொடங்கியது. பொதுவாக, அக்னி நட்சத்திர காலத்தில், தமிழ்நாட்டில் வெப்ப அலை தீவிரமாக இருக்கும். இருப்பினும், அக்னி நட்சத்திரம் தொடங்கிய நாளிலிருந்து தமிழ்நாட்டின் பல மாவட்டங்களில் கோடை மழை பெய்து வருகிறது.
அக்னி நட்சத்திரம் தொடங்கிய நாளிலிருந்து, சில நகரங்களில் வெயிலின் தாக்கம் அதிகமாக உள்ளது. வரும் நாட்களிலும் தமிழகத்தில் மழை பெய்ய அதிக வாய்ப்பு இருப்பதாக வானிலை ஆய்வாளர்கள் கூறுகின்றனர். இதன் காரணமாக, இந்த ஆண்டு கோடை வெப்பம் முடிவுக்கு வருவதாக வானிலை ஆய்வாளர்கள் தெரிவித்துள்ளனர். அந்த வகையில், தமிழ்நாட்டின் பல மாவட்டங்களில் மழை தொடர்ந்து பெய்து வருகிறது.
இந்த சூழ்நிலையில், சென்னை உட்பட 14 மாவட்டங்களில் இன்று மழை பெய்ய வாய்ப்பு இருப்பதாக தனியார் வானிலை ஆய்வாளர் பிரதீப் ஜான் எக்ஸ் தளத்தில் பதிவிட்டுள்ளார். கடல் காற்று வீசுவதால், வெப்பநிலை குறைந்து, சென்னையில் குளிர்ச்சியான சூழல் இருக்கும். கிருஷ்ணகிரி, ஈரோடு, திருவள்ளூர், செங்கல்பட்டு, காஞ்சிபுரம், வேலூர், ராணிப்பேட்டை, திருப்பத்தூர், சேலம், தர்மபுரி, திருவள்ளூர், விழுப்புரம், நீலகிரி ஆகிய மாவட்டங்களில் மழை பெய்ய வாய்ப்புள்ளது.
