சார்ஜா: மேற்கிந்திய தீவுகளுக்கு எதிரான 2-வது டி20 கிரிக்கெட் போட்டியில் நேபாளம் 90 ரன்கள் வித்தியாசத்தில் வெற்றி பெற்று தொடரை 2-0 என கைப்பற்றியது. ஞாயிற்றுக்கிழமை இரவு ஷார்ஜாவில் நடைபெற்ற 2-வது டி20 போட்டியில் முதலில் பேட்டிங் செய்த நேபாளம் 20 ஓவர்களில் 6 விக்கெட் இழப்புக்கு 173 ரன்கள் எடுத்தது.
கேப்டன் ஆசிப் ஷேக் அதிகபட்சமாக 47 பந்துகளில் 2 சிக்சர்கள் மற்றும் 8 பவுண்டரிகள் உட்பட 68 ரன்கள் எடுத்தார், சந்தீப் ஜோரா 39 பந்துகளில் 5 சிக்சர்கள் மற்றும் 3 பவுண்டரிகள் உட்பட 63 ரன்கள் எடுத்தார். மேற்கிந்திய தீவுகள் அணிக்காக, அகில் ஹொசைன் மற்றும் கைல் மேயர்ஸ் தலா 2 விக்கெட்டுகளை வீழ்த்தினர். 174 என்ற இலக்கை துரத்திய மேற்கிந்திய தீவுகள் அணி 17.1 ஓவர்களில் 83 ரன்களுக்கு ஆல் அவுட்டானது. ஜேசன் ஹோல்டர் அதிகபட்சமாக 21 ரன்களும், அக்கீம் அகஸ்டே 17 ரன்களும், அமீர் ஜாங்கோ 16 ரன்களும் எடுத்தனர்.
வேறு எந்த பேட்ஸ்மேனும் இரட்டை இலக்க இலக்கை எட்டவில்லை. நேபாளம் அணிக்காக, முகமது அடில் ஆலம் 4 விக்கெட்டுகளையும், குஷால் பார்டெல் 3 விக்கெட்டுகளையும் வீழ்த்தினர். முதல் போட்டியில் 19 ரன்கள் வித்தியாசத்தில் வெற்றி பெற்ற நேபாளம், மூன்று போட்டிகள் கொண்ட டி20 தொடரை 2-0 என வென்றது. டெஸ்ட் தகுதி பெற்ற அணிக்கு எதிராக நேபாளம் டி20 தொடரை வென்றது இதுவே முதல் முறை.
தொடரை இழந்த மேற்கிந்திய தீவுகள் அணி, ஐசிசி உறுப்பினர் அல்லாத அணிக்கு எதிராக மிகக் குறைந்த ஸ்கோரைப் பெற்றுள்ளது. இதற்கு முந்தைய சாதனை 2014 டி20 உலகக் கோப்பையில் நெதர்லாந்துக்கு எதிராக 85 ரன்களுக்கு சுருண்ட இங்கிலாந்து அணியால் படைக்கப்பட்டது.
