சென்னை: டி.எஸ்.ஞானவேல் இயக்கத்தில் ரஜினிகாந்த் நடித்துள்ள ‘வேட்டையன்’ படத்தை லைகா நிறுவனம் தயாரித்துள்ளது. அமிதாப் பச்சன், ஃபஹத் ஃபாசில், ராணா, துஷாரா விஜயன், ரித்திகா சிங், மஞ்சு வாரியர், அபிராமி, ரோகினி உள்ளிட்ட பலர் நடித்துள்ளனர்.
அனிருத் இசையமைத்துள்ளார். போலீஸ் என்கவுண்டருக்கு எதிராகப் பேசிய இப்படம் ஆயுதபூஜை பண்டிகையை முன்னிட்டு அக்டோபர் 10-ம் தேதி திரையரங்குகளில் வெளியானது. வணிகம் + உள்ளடக்கம் ரசிகர்கள் மத்தியில் கவனம் பெற்றது. ரூ.200 கோடிக்கும் அதிகமான பட்ஜெட்டில் உருவாகியுள்ள இப்படம் உலகம் முழுவதும் ரூ.250 கோடி வசூல் செய்துள்ளதாக கூறப்படுகிறது.
இந்நிலையில் இந்த படம் அமேசான் பிரைம் ஓடிடி தளத்தில் நவம்பர் 8-ம் தேதி வெளியாகும் என அறிவிக்கப்பட்டுள்ளது. தமிழ், இந்தி, மலையாளம், கன்னடம், தெலுங்கு ஆகிய மொழிகளில் இப்படம் வெளியாகும் என அறிவிக்கப்பட்டுள்ளது.
