விஜய் சேதுபதி, அனுராக் காஷ்யப், மம்தா மோகன்தாஸ், நட்டி, அருள்தாஸ், சிங்கம்புலி மற்றும் பலர் நடித்த படம் ‘மகாராஜா’. நித்திலன் சாமிநாதன் இயக்கியுள்ள இது விஜய் சேதுபதியின் 50-வது படம்.
படம் ஜூன் மாதம் திரையரங்குகளில் வெளியிடப்பட்டது, பின்னர் ஜூலை மாதம் நெட்பிலிக்ஸ் ஓடிடி தளத்தில் வெளியிடப்பட்டது. திரையரங்குகளில் பாக்ஸ் ஆபிஸ் வெற்றி பெற்ற இந்தப் படம் ஓடிடி தளத்திலும் பெரும் வரவேற்பைப் பெற்றது.
தைவானில் ஆங்கிலம் அல்லாத பிற மொழிப் படங்களின் முதல் 10 பட்டியலிலும் ‘மகாராஜா’ இடம்பெற்றுள்ளது. அக்., 27-ம் தேதி வரை ‘மகாராஜா’, தொடர்ந்து ஆறு வாரங்களாக பட்டியலில் இடம் பெற்றுள்ளது. அந்த பட்டியலில் இடம்பெற்றுள்ள ஒரே இந்திய திரைப்படம் இது என்பது குறிப்பிடத்தக்கது
