மும்பை: இந்திய கிரிக்கெட் அணியின் கேப்டன் ரோகித் சர்மா மற்றும் ரித்திகா தம்பதிக்கு ஆண் குழந்தை பிறந்துள்ளது. இந்த தம்பதிக்கு இது இரண்டாவது குழந்தை என்பது குறிப்பிடத்தக்கது. பார்டர் கவாஸ்கர் டிராபி கிரிக்கெட் தொடருக்காக இந்திய கிரிக்கெட் அணி ஆஸ்திரேலியாவில் தற்போது பயிற்சியில் ஈடுபட்டு வருகிறது. ரோஹித் தனது மனைவி ரித்திகாவின் இறுதி தேதி காரணமாக இந்தியாவில் இருக்கிறார். இந்நிலையில் இவர்களுக்கு நேற்று ஆண் குழந்தை பிறந்துள்ளது.
இது குறித்து ரோஹித் தரப்பு இன்னும் அதிகாரப்பூர்வமாக தெரிவிக்கவில்லை. ரோஹித்துக்கும் ரித்திகாவுக்கும் கடந்த டிசம்பர் 2015-ல் திருமணம் நடந்தது. 2018-ல் இவர்களுக்கு சமைரா என்ற பெண் குழந்தை பிறந்தது. தற்போது இவர்களுக்கு ஆண் குழந்தை பிறந்துள்ளது. ஆஸ்திரேலியாவுக்கு எதிரான முதல் டெஸ்ட் போட்டி 22-ம் தேதி தொடங்குகிறது.
ரோஹித் பங்கேற்பாரா அல்லது குடும்பத்துடன் நேரத்தை செலவிடுவாரா என்பது தெரியவில்லை. பும்ரா இந்தப் போட்டியில் விளையாடாவிட்டால் அணியை வழிநடத்துவார். தொடக்க ஆட்டக்காரராக ஜெய்ஸ்வாலுடன் கில், கேஎல் ராகுல், அபிமன்யு ஈஸ்வரன் ஆகியோர் விளையாட வாய்ப்புள்ளது.
