ஹாலிவுட் காமெடி நடிகர் கோனன் ஓ பிரையன் ஆஸ்கார் விருதை தொகுத்து வழங்கவுள்ளார். 97-வது ஆஸ்கர் விருது விழா அடுத்த ஆண்டு மார்ச் 2-ம் தேதி லாஸ் ஏஞ்சல்ஸில் நடைபெறவுள்ளது. விருது வழங்கும் விழாவைப் போலவே நிகழ்வின் தொகுப்பாளரும் முக்கியமானது.
நிகழ்ச்சியை நடிகர் ஜிம்மி கிம்மல் தொகுத்து வழங்கினார். அடுத்த ஆண்டும் தொகுத்து வழங்குவார் என்று கூறப்பட்டது. ஆனால், அவர் மறுத்ததால் ஹாலிவுட் நகைச்சுவை நடிகர் கோனன் ஓ பிரையன் தொகுத்து வழங்க உள்ளார். இதை ஆஸ்கார் அகாடமியின் தலைமை நிர்வாக அதிகாரி பில் கிராமர் மற்றும் தலைவர் ஜானட் யங் ஆகியோர் அறிவித்தனர்.
நடிகர் கோனன் ஓ’பிரையன் தனது இரவு நேர பேச்சு நிகழ்ச்சிக்காக மிகவும் பிரபலமானவர். அவர் ஏற்கனவே எம்மி விருதுகள் மற்றும் எம்டிவி திரைப்பட விருதுகள் உள்ளிட்ட நிகழ்ச்சிகளை தொகுத்து வழங்கியுள்ளார். முதல்முறையாக ஆஸ்கர் விருதை தொகுத்து வழங்கவுள்ளார்.
