நாகை: நாகை அருகே அக்கரைப்பேட்டை மீனவர்களை இலங்கை கடற்கொள்ளையர்கள் தாக்கி மீன்கள், மீன்பிடி உபகரணங்களை அபகரித்து சென்றதாக புகார் எழுந்துள்ளது.
நாகையில் கோடியக்கரைக்கு தென்கிழக்கே கடலில் மீன்பிடித்து கொண்டிருந்தபோது, இலங்கை கடற்கொள்ளையர்கள் தங்களைத் தாக்கி ஃபைபர் படகில் இருந்த மீன்கள், வலை, ஜிபிஎஸ் கருவி, செல்போன் உள்ளிட்டவற்றை அபகரித்து சென்றதாக அக்கரைப்பேட்டை மீனவர்கள் தெரிவித்துள்ளனர்.
இரண்டு படகுகளில் வந்த 6 கடற்கொள்ளையர்கள் தாக்கியதால் காயமடைந்து கரைக்கு வந்து சேர்ந்த மூன்று மீனவர்களை சக மீனவர்கள் மீட்டு வேதாரண்யம் அரசு மருத்துவமனையில் சிகிச்சைக்கு அனுமதித்தனர்.
