சென்னை: ‘அமரன்’ படத்தைத் தொடர்ந்து சிவகார்த்திகேயன் நடிக்கும் படத்தை ஏ.ஆர். முருகதாஸ் இயக்கி வருகிறார். இந்தப் படத்துக்கு அனிருத் இசையமைக்கிறார். சிவகார்த்திகேயனுடன் ருக்மணி வசந்த், வித்யுத் ஜம்வால், பிஜு மேனன், ஷபீர் கல்லரக்கல், விக்ராந்த் மற்றும் பலர் நடித்துள்ளனர்.
ஸ்ரீலக்ஷ்மி மூவிஸ் பேனரில் என்.ஸ்ரீலட்சுமி பிரசாத் தயாரிக்கிறார். இந்நிலையில், இந்த படத்திற்கு ‘மதராஸி‘ என்று தலைப்பு வைக்கப்பட்டுள்ளது. சிவகார்த்திகேயனின் பிறந்தநாளை முன்னிட்டு இப்படத்தின் தலைப்பு மற்றும் டீசர் நேற்று வெளியிடப்பட்டது. இப்படத்தின் படப்பிடிப்பு முடிவடைந்து இறுதிக்கட்ட பணிகள் நடைபெற்று வருகின்றன. இப்படத்தை தொடர்ந்து சுதா கொங்கரா இயக்கத்தில் ‘பராசக்தி’ படத்தில் நடித்து வருகிறார் சிவகார்த்திகேயன்.
