சுவையான பிரட் அல்வா..!!

தேவையான பொருட்கள்:

பிரட் துண்டுகள் – 6

சர்க்கரை – 1/2 கப்

காய்ச்சிய பால் – 1/2 கப்

நெய் – 2 டேபிள்ஸ்பூன்

முந்திரி – 8

திராட்சை -10

ஆரஞ்சு புட் கலர் – சிட்டிகை

செய்முறை: கடாயில் சர்க்கரை மற்றும் கால் கப் தண்ணீர் சேர்த்து தீயில் வைத்து கிளறி முதல் சிரப் தயார் செய்து சிறு துண்டுகளாக நறுக்கிய பிரட் துண்டுகளை சேர்த்து மிதமான தீயில் 2 நிமிடம் வைக்கவும். பிரட் துண்டுகள் சர்க்கரை பாகில் ஊறவைத்த பிறகு, அவற்றை நன்றாக மசிக்கவும். அதனுடன் பால் மற்றும் கலர் பவுடர் சேர்த்து நன்கு கலந்து பால் கெட்டியாகும் வரை அடுப்பில் வைக்கவும். கலவை கெட்டியானதும், சிறிது சிறிதாக நெய் சேர்க்கவும். இறக்கும் முன் நெய்யில் வறுத்த முந்திரி, திராட்சை சேர்த்து கலவை கடாயில் ஒட்டாமல் வரும் வரை கிளறவும். அடுப்பை அணைத்து ஒரு பாத்திரத்தில் எடுத்து பரிமாறவும். ஏலக்காய் சேர்ப்பது உங்கள் விருப்பம். சுவையான பிரட் ஹல்வா தயார்.