உலகின் மிகவும் மாசுபட்ட 20 நகரங்களின் பட்டியலில் 13 இந்திய நகரங்கள் இடம்பெற்றுள்ளன. ஸ்விட்ஸர்லாந்தின் காற்றின் தர தொழில்நுட்ப நிறுவனமான IQ ஏர் உலக காற்று தர அறிக்கையை (2024) வெளியிட்டுள்ளது. அதன் படி உலகின் 20 மாசுபட்ட நகரங்களின் பட்டியலில் 13 இந்திய நகரங்கள் இடம்பெற்றுள்ளன. உலகிலேயே மிகவும் மாசுபட்ட தலைநகரம் டெல்லி.
டெல்லியில், 2023-ல் சராசரி காற்று மாசுக் குறியீடு PM2.5 செறிவு ஒரு கன மீட்டருக்கு 92.7 மைக்ரோகிராம். இது 2024ல் 91.6 ஆக இருந்தது. பட்டியலில் 13 இந்திய நகரங்கள் உள்ளன: பிர்னிஹாட் (அஸ்ஸாம்), டெல்லி, முல்லன்பூர் (பஞ்சாப்), ஃபரிதாபாத், லோனி, புது டெல்லி, குருகிராம், கங்காநகர், கிரேட்டர் நொய்டா, பிவாடி, முசாபர்நகர், ஹனுமன்கர் மற்றும் நொய்டா.
அதேபோல், உலகின் மோசமான காற்று மாசுபாடு உள்ள நாடுகளின் பட்டியலில், 2023-ல் 3-வது இடத்தில் இருந்த இந்தியா, 2024-ல் 4-வது இடத்திற்கு முன்னேறியுள்ளது. இந்தியாவில், 2023-ல் PM 2.5 செறிவு ஒரு கன மீட்டருக்கு 54.4 மைக்ரோகிராம். இது 2024-ல் 7% குறைந்து 50.6 ஆக உள்ளது. இந்தியாவில் காற்று மாசுபாடு காரணமாக சுகாதாரப் பிரச்சனைகள் அதிகரித்து, சராசரி ஆயுட்காலம் குறைந்து வருகிறது.
கடந்த 2009 முதல் 2019 வரையிலான 10 ஆண்டுகளில் காற்று மாசுபாட்டால் ஆண்டுதோறும் 1.5 மில்லியன் மக்கள் இறந்ததாக லான்செட் கிரக ஆய்வு தெரிவிக்கிறது.
