மலப்புரம் மாவட்டத்தில் உள்ள கலிகாவு பகுதியில், கபூர் என்ற ரப்பர் தோட்டத் தொழிலாளி புலி தாக்குதலுக்கு இலக்காகி உயிரிழந்தார். இந்த தாக்குதல் மக்கள் மத்தியில் பெரும் அச்சத்தை ஏற்படுத்தியுள்ளது. புலி, அவரது உடலை 200 மீட்டர் தொலைவுக்கு காட்டுக்குள் இழுத்துச் சென்றது.
இந்த தகவலை அறிந்து வந்த வனத்துறையினர் உடலை மீட்டனர்.பொதுமக்கள் அந்த இடத்தில் திரண்டு போராட்டம் நடத்தினர். அவர்கள், புலியின் நடமாட்டத்தை வனத்துறைக்கு ஏற்கனவே தெரிவித்ததாகவும், அதுபற்றிய நடவடிக்கைகள் எடுக்கப்படவில்லை எனவும் குற்றம்சாட்டினர். இது குறித்து அதிகாரிகள் கவனத்துடன் செயல்பட வேண்டும் என்ற வலியுறுத்தல் எழுந்துள்ளது.
பந்தேர் சுல்தான் எஸ்டேட் பகுதியில், அதே புலியின் நடமாட்டம் காணப்பட்டதாக தகவல் வந்தது. இதனையடுத்து வனத்துறையினர் துப்பாக்கிகளுடன் அந்த பகுதியில் வந்தனர். புலியை மயக்க மருந்து செலுத்தி பிடிக்க முயற்சி மேற்கொடுக்கப்படுகிறது.இரவு பகலாக வனப்பகுதிகளில் தேடுதல் வேட்டை நடந்து வருகிறது. பொதுமக்கள் பாதுகாப்பாக இருக்கும்படி அறிவுறுத்தப்பட்டுள்ளனர்.
வனத்துறையினர் அனைத்துப் பகுதிகளிலும் கண்காணிப்பு முன்னெடுக்கின்றனர்.இந்த புலி ஏற்கனவே பலருக்கு உயிரிழப்பு ஏற்படுத்தியிருக்கலாம் என்ற சந்தேகம் எழுந்துள்ளது. பொதுமக்கள் புலியின் ஆபத்தான நடமாட்டத்தால் வீட்டை விட்டு வெளியே செல்ல அச்சப்படுகின்றனர். வனத்துறையின் நடவடிக்கைகள் எவ்வளவு விரைவில் முடிவுக்கு வரும் என்பது கேள்விக்குறியாய் உள்ளது.இந்நிலையில், குற்றவாளி புலியை பிடித்து பொதுமக்கள் உயிருக்கு ஆபத்து ஏற்படாமல் செய்வதே மிக முக்கியம். அதிகாரிகள் விரைந்து செயல்பட வேண்டும் என்ற கோரிக்கைகள் வலுத்து வருகின்றன.
