திருச்செந்தூர்: திடீர் மழை… திருச்செந்தூர் சுற்றுவட்டாரப் பகுதியில் இடிமின்னலுடன் பெய்த திடீர் கனமழையால் மக்களின் இயல்பு வாழ்க்கை பாதிக்கப்பட்டது.
தூத்துக்குடி மாவட்டம் திருச்செந்தூர் மற்றும் அதன் சுற்றுவட்டாரப் பகுதிகளான உடன்குடி, பரமன்குறிச்சி, ஆறுமுகநேரி, குலசேகரபட்டிணம், மணப்பாடு உள்ளிட்ட பகுதிகளில் இடி மின்னலுடன் பலத்த மழை பெய்தது.
இதனால், சாலைகளில் மழைநீர் பெருக்கெடுத்து ஓடியது. ஆறுமுகநேரி – மூலக்கரை சாலையில் மரங்கள் முறிந்து விழுந்தன. பல இடங்களில் மின்சாரம் தடைபட்டது. சாலைகளில் மழைநீர் ஓடியதால் வாகனங்கள் ஊர்ந்து சென்றன. இதனால் பொதுமக்களின் இயல்பு வாழ்க்கை பாதிக்கப்பட்டது. இருப்பினும் குளிர்ந்த காற்று வீசியதால் மக்கள் மகிழ்ச்சி அடைந்தனர்.
