துபாய்: உலகத்தில் பெரும் அதிர்ச்சியான முடிவை எடுத்துள்ளார் டெலிகிராம் நிறுவனத்தின் தலைமை செயல் அதிகாரி பவெல் துரோவ். தனக்குப் பிறந்த 100 குழந்தைகளுக்கெல்லாம் சொத்துக்களை பிரித்து, தனித்தனியாக உயில் எழுதிவைத்துள்ளதாக அவர் கூறியுள்ளார்.
பவெல் துரோவ், வயது 40, தற்போது 13.9 பில்லியன் டாலர் சொத்து மதிப்புடன் மிகப்பெரிய தொழிலதிபராக விளங்குகிறார். சமீபத்தில் அவர் பிரெஞ்சு பத்திரிகைக்கு அளித்த பேட்டியில், “என் உயிரணு மூலம் பிறந்த குழந்தைகளுக்கும், இயற்கையாகப் பிறந்த குழந்தைகளுக்கும் நான் ஒரே மாதிரியான பாசத்தையும் உரிமையையும் அளிக்கிறேன்” என்று தெரிவித்தார்.
மூன்று மனைவிகளுக்கு ஆறு குழந்தைகளுக்குத் தந்தையாகவும், மேலும் விந்தணு தானம் மூலம் பிறந்த ஏராளமான குழந்தைகளின் பெற்றோராகவும் தன்னைப் பார்க்கிறார் துரோவ். இவரது 100 குழந்தைகளுக்கு தனித்தனியாக சொத்து பங்கீடு செய்யப்பட்டுள்ளதோடு, அந்த சொத்துக்கள் மூப்பில் தான் அவர்களிடம் செல்லும் வகையில் உயில் வடிவமைக்கப்பட்டுள்ளதெனவும் அவர் கூறினார்.
தனது சொத்துகளை குழந்தைகளிடம் இப்போது உடனடியாக வழங்காமல், முப்பது ஆண்டுகள் கழித்து அவர்கள் நிர்வகிக்க வாய்ப்புள்ளது என்றும் அவர் தெரிவித்தார்.
ஒருவேளை இதுபோன்ற உயில் திட்டமிடல் உலகிலேயே முதல் முறை இருக்கக்கூடும் என தொழில்நுட்ப உலகத்தில் இது பரபரப்பை ஏற்படுத்தியுள்ளது.
இந்த செய்தி பரவியதும், இணையத்தில் பலரும் அவரை பாராட்டினர். சிலர், “தனி மனித சிந்தனையின் ஓர் உயர்ந்த அடையாளம்” என புகழ்ந்துள்ளனர்.
