நடிகர் ரவி மோகன் தனது சொந்த பெயரில் ஒரு தயாரிப்பு நிறுவனத்தைத் தொடங்கியுள்ளார். இந்த நிறுவனத்தின் கீழ் தயாரிக்கப்படும் படங்களையும் அவர் அறிவித்திருந்தார். இதில், ‘டிக்கிலோனா’ இயக்குனர் கார்த்திக் யோகி இயக்கும் ‘புரோகோட்’ படத்தை ரவி மோகன் தயாரித்து நடிக்கிறார்.
ரவியுடன், எஸ்.ஜே. சூர்யா, மலையாள நடிகர் அர்ஜுன் அசோகன், கன்னட நடிகர் உபேந்திரா, கவுரி பிரியா, ஷ்ரத்தா ஸ்ரீநாத், மாளவிகா மனோஜ், ஐஸ்வர்யா ராஜ் மற்றும் பலர் இதில் வேடங்களில் நடிக்க உள்ளனர். கலைசெல்வன் சிவாஜி ஒளிப்பதிவு செய்யவுள்ளார், ஹர்ஷவர்தன் ராமேஷ்வர் இசையமைக்கிறார். இந்த சூழ்நிலையில், படக்குழு படத்தின் முதல் டீசரை வெளியிட்டுள்ளது.
இந்த 5 நிமிட டீசர், மனைவியின் அழுத்தங்களைத் தங்களுக்குள் வைத்துக்கொண்டு, அவற்றை வெளிப்படுத்தாமல் வெளியில் புன்னகைக்கும் மூன்று கணவர்களை அறிமுகப்படுத்துகிறது.
ஷ்ரத்தா ஸ்ரீநாத் – எஸ்.ஜே.சூர்யா, அர்ஜுன் அசோகன் – மாளவிகா மனோஜ், மற்றும் ரவிமோகன் – கௌரி பிரியா ஆகிய தம்பதிகளுக்கு இடையிலான காட்சிகள் ரசிக்க வைக்கின்றன. குறிப்பாக இளையராஜாவின் ‘கல்யாண மாலை கொண்டாடும் பெண்ணே’ பாடல் பின்னணியில் ஒலிக்கும் காட்சி ஹிட். இந்த டீசர் சமூக ஊடகங்களில் கவனத்தை ஈர்த்து வருகிறது.
