சென்னை: நடிகர் தனுஷ் இயக்கியும், நடித்தும் உருவாகியுள்ள ‘இட்லி கடை’ திரைப்படம் நாளை உலகம் முழுவதும் திரையரங்குகளில் வெளியாகவிருக்கிறது. சத்யராஜ், ராஜ்கிரண், அருண் விஜய், நித்யா மேனன் உள்ளிட்ட பலர் நடித்திருக்கும் இந்த படம் ரசிகர்களிடையே பெரும் எதிர்பார்ப்பை ஏற்படுத்தியுள்ளது. குறிப்பாக கடந்த படங்கள் அதிக வெற்றி பெறாததால், இந்த படத்தின் மூலம் தனுஷ் கம்பேக் கொடுக்கிறார் என்ற நம்பிக்கை ரசிகர்களிடையே நிலவுகிறது.
சமீபத்தில் வெளியான ட்ரெய்லர் மூலம் படத்தின் கதைக்களம் வெளிச்சத்துக்கு வந்தது. சாதாரண இட்லி கடை வைத்திருக்கும் தனுஷுக்கும், கார்ப்பரேட் உலகைச் சேர்ந்த அருண் விஜய்க்கும் இடையேயான மோதலே கதையின் மையம் என தெரிகிறது. ஜிவி பிரகாஷின் இசை, தனுஷ் மற்றும் நித்யா மேனனின் கேமிஸ்ட்ரி ஆகியவை ரசிகர்களிடம் நல்ல வரவேற்பை பெற்றிருக்கின்றன. இதன் மூலம் படம் கண்டிப்பாக பாக்ஸ் ஆபீசில் சிறப்பாக ஓடும் என எதிர்பார்க்கப்படுகிறது.
இந்நிலையில், படத்தின் ஆடியோ வெளியீட்டு விழாவில் தனுஷ் தனது இரண்டாவது மகன் லிங்காவை கிண்டல் செய்த வீடியோ ஒன்று தற்போது சமூக வலைதளங்களில் வைரலாகி வருகிறது. “என்ன லிங்கா நம்மல எல்லாம் வீடியோ எடுக்கல?” என்று மேடையில் கேட்ட தனுஷின் சிரிப்பு தருணம் ரசிகர்களை கவர்ந்துள்ளது. முன்னதாக எப்போதும் தந்தையின் நிகழ்ச்சிகளில் மொபைல் எடுத்து வீடியோ எடுக்கும் லிங்கா இம்முறை சும்மா இருந்ததால், அந்த சூழல் காமெடியாக மாறியது.
இந்த வீடியோவை பார்த்த ரசிகர்கள் பலரும் சிரிப்பூட்டும் கருத்துக்களை பகிர்ந்து வருகின்றனர். அதேசமயம் தனுஷ் ஒரு அன்பான தந்தையாக இருப்பது மீண்டும் வெளிப்பட்டுள்ளது. திரைப்பட ப்ரோமோஷனில் நடந்த இந்த சிறிய சம்பவம், ‘இட்லி கடை’ படத்துக்கு கூடுதல் பஜ் கிடைக்கச் செய்திருக்கிறது. படம் வெளியாகும் முன்பே சமூக வலைதளங்களில் இப்படம் பற்றிய பேச்சு அதிகரித்துள்ளது.
