ராமேஸ்வரம் : பாம்பன் புதிய ரயில் பாலத்தை ரயில்வே பாதுகாப்பு ஆணையர் ஏ.எம்.சவுத்ரி இன்றும், நாளையும் ஆய்வு செய்கிறார். ராமேஸ்வரம் அருகே பாம்பன் பாக் ஜலசந்தியின் குறுக்கே ரூ.550 கோடி செலவில் கட்டப்பட்டுள்ள புதிய இரட்டை ரயில் பாதை மின்சார ரயில் பாலம் திறப்பு விழாவுக்கு தயாராகி வருகிறது.
இதற்காக, பல கட்ட ஆய்வு பணிகளும், ரயில் சோதனை ஓட்டங்களும் முடிந்து, இறுதி கட்டமாக சிஆர்எஸ் கணக்கெடுப்பு பரிந்துரைக்கப்பட்டுள்ளது. ரயில்வே பாதுகாப்பு ஆணையர் (தெற்கு) ஏ.எம்.சவுத்ரி இன்றும் நாளையும் பாலத்தில் சட்டப்பூர்வ ஆய்வு நடத்துகிறார்.
மண்டபம் – ராமேஸ்வரம் இடையே உள்ள பாலத்தில் மற்றொரு தண்டவாளம் அமைக்க ரயில் நிலையங்கள், ரயில்வே கேட் பணிகள், சிக்னல், புனரமைப்பு பணிகள் உள்ளிட்ட பாதுகாப்பு தொடர்பான ஆய்வுகளை இன்று அவர் மேற்கொண்டு வருகிறார். ராமேஸ்வரத்தில் பிரமாண்டமாக கட்டப்பட்டு வரும் புதிய ரயில் நிலைய கட்டுமானப் பணிகளை அவர் ஆய்வு செய்தார்.
இதையடுத்து நாளை புதிய செங்குத்து தொங்கு பாலத்தை உயர்த்தி இறக்கி வைத்துவிட்டு மண்டபம்-பாம்பன் இடையே அதிவேக ரயிலை இயக்குகிறார். இதில் அனைத்து பிரிவு முதன்மை அலுவலர்கள் மற்றும் பொறியாளர்கள் பங்கேற்க உள்ளனர். மதுரை கோட்ட அதிகாரிகள் மற்றும் ஆர்விஎன்எல் பொறியாளர்கள் இறுதிக்கட்ட ஆய்வுக்கான ஏற்பாடுகளில் தீவிரம் காட்டி வருகின்றனர்.
