சென்னை: சூர்யா நடித்துள்ள ‘கங்குவா’ திரைப்படம் இன்று திரையரங்குகளில் வெளியாகியுள்ளது. ரசிகர்களுடன் படத்தைப் பார்த்த இயக்குநர் சிவா செய்தியாளர்களிடம் கூறும்போது, “படம் நன்றாக வந்திருக்கிறது. படத்தை ரசிகர்கள் கொண்டாடி வருகின்றனர். மிக்க மகிழ்ச்சி.
நான் திருப்தியாக இருக்கிறேன். பார்வையாளர்களின் வரவேற்பைப் பார்க்கும்போது மகிழ்ச்சியாக இருக்கிறது. இந்தப் படத்தை இயக்கியதில் மகிழ்ச்சி. அடுத்து அஜித்துடன் இணைவது பற்றி அவர்தான் சொல்ல வேண்டும். நாங்கள் 3D தொழில்நுட்பத்தைப் பயன்படுத்தினோம், ஏனென்றால் நாங்கள் பார்வையாளர்களுக்கு பிரமாண்டமான உணர்வைக் கொடுக்க விரும்பினோம். இரண்டாம் பாகத்திற்கு பெரும் வரவேற்பு உள்ளது.
சூர்யா ஏற்கனவே படத்தை பார்த்துள்ளார். அவருக்கு படம் மிகவும் பிடித்துள்ளது. படத்தை ரசிகர்கள் கொண்டாடுவது மிகுந்த மகிழ்ச்சி அளிக்கிறது,” என்றார்.
