‘நிறங்கள் மூன்று’ என் கேரக்டருக்கு நேர்மாறான கேரக்டர்: அதர்வா முரளி

அதர்வா முரளி, சரத்குமார், ரஹ்மான், அம்மு அபிராமி மற்றும் பலர் நடித்துள்ள படம் ‘நிறங்கள் மூன்று‘. கார்த்திக் நரேன் இயக்கியுள்ள இப்படம் வரும் 22-ம் தேதி வெளியாகிறது. ஐங்கரன் இண்டர்நேஷனல் கருணா மூர்த்தி தயாரிக்கும் இந்தப் படம் பற்றி அதர்வா முரளி கூறியதாவது:-

கார்த்திக் நரேனின் ‘துருவங்கள் பதினாறு’ படத்தைப் பார்த்ததில் இருந்தே அவருடன் இணைந்து பணியாற்ற வேண்டும் என்ற ஆசை இருந்தது. ஒரு காட்சியை அவர் அணுகும் விதம் வித்தியாசமானது. நிஜத்தில் என் கேரக்டருக்கு நேர்மாறான கேரக்டரை கொடுத்திருக்கிறார். பயமும் மகிழ்ச்சியும் கலந்த உடன்பாட்டுடன் ஒத்துக்கொண்டேன்.

உண்மையிலேயே இது ஒரு வித்தியாசமான படம். இது எந்த வகையிலும் இருக்க முடியாது. சரத்குமார், ரஹ்மான் போன்ற மூத்த நடிகர்களுடன் பணியாற்றியது மகிழ்ச்சியாக இருந்தது. துஷ்யந்த், அம்மு அபிராமி ஆகியோர் சிறப்பாக நடித்துள்ளனர். இதில் நிறைய புதிய விஷயங்கள் உள்ளன,” என்றார்.