பாட்னா: அல்லு அர்ஜுன் நடித்துள்ள புஷ்பா 2 திரைப்படம் இந்தி, தமிழ் உள்ளிட்ட பல்வேறு மொழிகளில் டிசம்பர் 5-ம் தேதி வெளியாகவுள்ளது. இப்படத்தின் டிரைலர் வெளியீட்டு விழா பீகார் மாநிலம் பாட்னாவில் பிரமாண்டமாக நடைபெற்றது. பாட்னா காந்தி மைதானத்தில் மாலை 5 மணிக்கு தொடங்கிய இந்த நிகழ்ச்சியில் நடிகர் அல்லு அர்ஜுன், நடிகை ராஷ்மிகா மந்தனா உள்ளிட்டோர் கலந்து கொண்டனர்.
புஷ்பா 2 படத்தின் டிரைலர் வெளியாகியுள்ளது. இந்நிலையில், நடிகர் அல்லு அர்ஜுனை காண ரசிகர்கள் பாட்னாவில் உள்ள காந்தி மைதானத்தில் குவிந்தனர். நிகழ்ச்சியை காண ரசிகர்கள் முண்டியடித்ததால் கூட்ட நெரிசல் ஏற்பட்டது. டிரெய்லரைப் பார்க்க சில ரசிகர்கள் அங்குள்ள ஸ்பீக்கர் மற்றும் லைட் டவரில் ஏறியதால் பரபரப்பு ஏற்பட்டது.
2021-ல் வெளியான புஷ்பா திரைப்படம் மாநில எல்லைகளைக் கடந்து இந்தியா முழுவதும் ரசிகர்களிடையே பெரும் வெற்றி பெற்றது. இதனால் அல்லு அர்ஜுனுக்கு பல்வேறு மாநிலங்களில் ரசிகர்கள் உள்ளனர்.
