சென்னை: சென்னை சேப்பாக்கம் பத்திரிக்கையாளர் மன்றத்தில் நேற்று மே 17 இயக்கத்தின் ஒருங்கிணைப்பாளர் திருமுருகன் காந்தி நிருபர்களிடம் கூறியதாவது:- இயக்குனர் வெற்றிமாறன் இயக்கிய விடுதலை திரைப்படம் உலகத்தரம் வாய்ந்த படைப்பாக உருவாகியுள்ளது. காஷ்மீர் கோப்புகள், கேரளக் கதைகள் போன்ற பொய்யான தகவல்களுடன் படம் வெளியானபோது, அதைப் பற்றி பிரதமரே பேசினார்.
ஆனால் விடுதலை படம் தமிழர்கள் கொண்டாட வேண்டிய படம். தமிழர்கள் பெருமையுடன் முன்னெடுத்துச் செல்ல வேண்டிய படம். ஆனால் இந்த படத்திற்கு தமிழகத்தில் பெரிய அளவில் ஆதரவு இல்லை என்பது வருத்தம் அளிக்கிறது. பாரதிய ஜனதா கட்சியினரை ஆயுதம் ஏந்த விடாமல் தடுத்து நிறுத்தியதாக அண்ணாமலை கூறுகிறார்.
ஆயுதம் ஏந்தியபடி பேசுவது வன்முறையைத் தூண்டும் செயலாகும். இலங்கை மீனவர்களை கைது செய்பவர்களை அண்ணாமலை தாக்கப் போகிறாரா? இப்படி வன்மையாக பேசி வசைபாடப் போகிறேன் என்கிறார். மோடி அரசு ஆட்சிக்கு வந்த பிறகு காவிரி உரிமையை நிலைநாட்டவில்லை, தமிழகத்திற்கு தேவையான நிதி ஒதுக்கப்படவில்லை. கல்விக்கு நிதி ஒதுக்கவில்லை. இதையெல்லாம் பேசாமல் நாடகமாடுகிறார் அண்ணாமலை.
செருப்பு அணியாவிட்டால் என்ன நடக்கும். மாஞ்சோலை பிரச்சினை, மீனவர் பிரச்சினை, ஒப்பந்தத் தொழிலாளர்களை நிரந்தரம் செய்ய வலியுறுத்தி போராட்டம் நடத்தினோம். அண்ணாமலை இது போன்ற எந்த பிரச்னைக்கும் எதிர்ப்பு தெரிவிக்கவில்லை. இதற்கெல்லாம் அண்ணாமலையை தமிழக மக்கள் வசைபாட வேண்டும். அண்ணா பல்கலைக்கழக பிரச்னைக்கு காரணமானவர்கள் உரிய முறையில் தண்டிக்கப்பட வேண்டும். முதல் தகவல் அறிக்கை வெளியிட்ட நபரை விசாரித்து கைது செய்ய வேண்டும். இவ்வாறு அவர் கூறினார்.
