இந்த ஆண்டு ஜனவரியில் 26 படங்கள் வெளியாகியுள்ளன. இதில் ‘மத கஜ ராஜா’ படம் ரூ.50 கோடிக்கு மேல் வசூல் செய்தது. ‘குடும்பஸ்தான்’ படமும் வெற்றி பெற்றது. இந்நிலையில், அஜித்குமாரின் ‘விடாமுயற்சி’ திரைப்படம் இம்மாதம் 6-ம் தேதி வெளியானது. கடந்த 7-ம் தேதி தெலுங்கில் ‘தண்டேல்’ படம் வெளியானது.
வரும் 14-ம் தேதி காதலர் தினத்தை முன்னிட்டு 10 படங்கள் வெளியாகும் என அறிவிக்கப்பட்டுள்ளது. கவுண்டமணியின் ஒத்த ஓடு முத்தையா, 2K காதல் கதை, பயர், காதல் என்று பொதுவுடைமை, அது வாங்கினால் இது இலவசம், தினசரி, படவா, கண் நீரா, 9 AM 9 PM மற்றும் டப்பிங் செய்யப்பட்ட கேப்டன் அமெரிக்கா: பிரேவ் நியூ வேர்ல்ட் ஆகிய படங்கள் வெளியாகும் என அறிவிக்கப்பட்டுள்ளது. கடைசி நேரத்தில் சில படங்களின் வெளியீடு தள்ளிப்போகலாம் என்று கூறப்படுகிறது.
