சென்னை: சென்னை பாடி வல்லீஸ்வரர் கோவிலில் ரூ.10 கோடி மதிப்பீட்டில் திருக்குளத்தை சீரமைத்தல், புதிய தண்ணீர் பந்தல், அலுவலக மண்டபம் கட்டும் பணியை இந்து சமய அறநிலையத்துறை அமைச்சர் பி.கே. சேகர் பாபு நேற்று தொடங்கி வைத்தார். 1.40 கோடியிலும், புதிய தோரணம் அமைக்கும் பணி ரூ. 85 லட்சமும், கைலாசநாதர் கோயிலை உயர்த்தி கட்டும் பணி ரூ. 3.50 கோடி தொடங்கி வைத்தார்.
அப்போது அவர் செய்தியாளர்களிடம் கூறியதாவது:- தமிழகத்தில் இதுவரை 2,664 கோவில்களில் கும்பாபிஷேகம் நடந்து முடிந்துள்ளது. இந்த ஆண்டு இறுதிக்குள் கும்பாபிஷேகங்களின் எண்ணிக்கை கண்டிப்பாக 3 ஆயிரத்தைத் தாண்டும். மேலும், தி.மு.க., ஆட்சிக்கு வந்த பின், சுமார் 114 தேர்கள் ரூ. 74 கோடி செலவில் புதிதாக உருவாக்கப்பட்டிருக்கின்றது.
தேர் மராமத்து பணிக்காக மட்டும் சுமார் ரூ.10 லட்சம் செலவில் 64 தேர்கள் கொண்டு செல்லப்பட்டுள்ளன. 16 கோடியில் பணிகள் நிறைவடைந்துள்ளன. மேலும், 5 தங்க ரதங்கள் ரூ. 31 கோடி மதிப்பில் 9 வெள்ளி ரதங்கள் ரூ. 29 கோடி செலவிலும் உருவாக்கப்பட்ட்டு வருகின்றன. இதுவரை நான்கு தொட்டிகள் ரூ. 4.20 கோடி செலவிலும் உருவாக்கப்பட்ட்டு வருகின்றன. சுமார் 1,19,761 இடங்களில் நில அளவை கற்கள் பதிக்கப்பட்டுள்ளன. நிலஅளவை மூலம் 1,82,490.76 ஏக்கர் நிலம் அளந்து கற்கள் நடப்பட்டு அவை எந்த கோவிலுக்கு சொந்தமானது என்று பேனர்கள் வைத்துள்ளோம்.
7,437 ஏக்கர் நிலம் ரூ. 7,196 கோடி ஆக்கிரமிப்பாளர்களிடம் இருந்து மீட்கப்பட்டுள்ளது. இதன் மூலம் சுமார் ரூ. 5,710 கோடியில் இதுவரை பணிகள் மேற்கொள்ளப்பட்டுள்ளன. இவ்வாறு அவர் கூறினார்.
