சென்னை: கே.பாலசந்தர் படத்தின் மூலம் தமிழ் சினிமாவில் அறிமுகமானவர் கராத்தே ஹுசைனி. ‘புன்னகை மன்னன்’ படத்தில் அறிமுகமானார். இப்படத்தைத் தொடர்ந்து ‘வேலைக்காரன்’, ‘மூங்கில் கோட்டை’, ‘உன்னைச் சொல்லி குற்றமில்லை’ உள்ளிட்ட படங்களில் தொடர்ந்து நடித்து வந்தார்.
இன்னொரு பக்கம் நடிகர்கள் விஜய், பவன் கல்யாண் உள்ளிட்டோருக்கு ஹுசைனி கராத்தே பயிற்சி அளித்துள்ளார். இந்நிலையில், சமீபத்தில் அளித்த பேட்டியில், ஹுசைனி தனக்கு ரத்தப் புற்றுநோய் இருப்பது கண்டறியப்பட்டுள்ளது. தற்போது இந்த தகவல் இணையத்தில் வைரலாகி வருகிறது.
அதில், “எனக்கு ரத்தப் புற்றுநோய் உள்ளது. எனக்கு ஒரு நாள் உயிர் வாழ 2 யூனிட் ரத்தம் மற்றும் பிளேட்லெட்டுகள் தேவை, இன்னும் சில நாட்கள் தான் உயிருடன் இருப்பேன். “எனக்கு தைரியம் அதிகம், நான் கராத்தே கற்றுக்கொடுக்கும் இடத்தை விற்க முடிவு செய்துள்ளேன்,” என்றார்.
