ஆர்யா நடிப்பில் வெளிவந்து பிரபலமான ‘பாஸ் (எ) பாஸ்கரன்’ திரைப்படம் மீண்டும் ரிலீஸ் ஆக உள்ளது. ‘கில்லி’ படத்தின் மாபெரும் வெற்றியால் பல்வேறு பழைய படங்கள் மீண்டும் வெளியாகி வருகின்றன. இந்தப் பட்டியலில் ‘பாஸ் (எ) பாஸ்கரன்’ இணைந்துள்ளது.
இந்த படம் 2010-ல் வெளியாகி பெரும் வரவேற்பை பெற்றது. அதன் நகைச்சுவை காட்சிகள் இன்றும் கொண்டாடப்பட்டு வருவது குறிப்பிடத்தக்கது. ‘பாஸ் (எ) பாஸ்கரன்’ படம் மார்ச் 21-ம் தேதி வெளியாகும் என தயாரிப்பு நிறுவனம் அறிவித்துள்ளது.
ராஜேஷ் இயக்கத்தில் ஆர்யா, நயன்தாரா, சந்தானம் மற்றும் பலர் நடித்துள்ள படம் ‘பாஸ் (எ) பாஸ்கரன்’. இப்படத்தை வாசன் விஷுவல் மற்றும் தி ஷோ பீப்பிள் இணைந்து தயாரித்துள்ளனர். அதை ரெட் ஜெயண்ட் வெளியிட்டது.
