இந்தியா மற்றும் பாகிஸ்தான் இடையேயான தாக்குதல்கள் நிறைவு பெற்ற பின்னர், பாகிஸ்தான் தனது வான்வெளியை மீண்டும் திறந்துள்ளது. கடந்த மூன்று நாட்களில் எல்லை பகுதியில் ஏற்பட்ட பதற்றம், பஹல்காம் தாக்குதலுக்கு இந்தியா பதிலடி அளித்ததுடன் அதிகரித்தது. மே 7ஆம் தேதி அதிகாலை இந்தியா பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் 9 தீவிரவாத முகாம்களைத் தாக்கியது.
பொதுமக்கள் பாதிக்கப்படவில்லை என இந்தியா தெரிவித்தது. மே 8 மற்றும் 9 தேதிகளில் பாகிஸ்தானின் தாக்குதலை இந்தியா முறியடித்தது. டிரோன்கள் மற்றும் ஏவுகணைகள் மூலம் பாகிஸ்தான் தாக்கிய நிலையில், இந்தியா S-400 மற்றும் ஆகாஷ் போன்ற பாதுகாப்பு கவசங்களை பயன்படுத்தியது. பாகிஸ்தான் முதல்முறையாக இந்த விவகாரத்தில் அதிகாரப்பூர்வமாக பேசியது குறிப்பிடத்தக்கது.
பாகிஸ்தானில் பாதிப்புகள் அதிகரிக்கும் என முன்னதாகவே எச்சரிக்கப்பட்டிருந்தது. இருநாடுகளும் பேச்சுவார்த்தைக்கு தயாராக உள்ளன என இந்திய பாதுகாப்பு அமைச்சகம் தெரிவித்தது. இதை அடுத்து அமெரிக்காவின் மத்தியஸ்தத்தில் இரவு முழுவதும் பேச்சுவார்த்தை நடைபெற்றது. அதன்பிறகு இந்தியா, பாகிஸ்தான் தாக்குதலை நிறுத்த ஒப்புக்கொண்டதாக டொனால்டு டிரம்ப் தனது எக்ஸ் பக்கத்தில் தெரிவித்தார்.
இந்திய வெளியுறவுத் துறை செயலாளர் விக்ரம் மிஸ்ரி இதனை உறுதிப்படுத்தினார். இருநாடுகளும் மே 12ஆம் தேதி இராணுவ பேச்சுவார்த்தை நடத்தவுள்ளதாகவும் அவர் கூறினார். பாகிஸ்தான் விமான நிலைய ஆணையம் வான்வெளி மீண்டும் திறக்கப்பட்டுள்ளதாக அறிவித்தது. சிந்து நதி நீர் இந்தியா நிறுத்தியதற்குப் பதிலளிக்க பாகிஸ்தான் வான்வெளியை மூடியது. தற்போது அது மீண்டும் திறந்துள்ளதை இருநாடுகளும் சமாதானப் பாதையை நோக்கி பயணிக்கத் தயாராக உள்ளதற்கான அறிகுறியாக பார்க்கப்படுகிறது.
