உயர் இரத்த அழுத்தம் (ஹைபர்டென்ஷன்) பெரும்பாலும் “சைலண்ட் கில்லர்” என அழைக்கப்படுகிறது, ஏனெனில் இது அறிகுறிகள் இல்லாமல் உருவாகி, இதய நோய், பக்கவாதம் மற்றும் சிறுநீரக செயலிழப்புக்கு வழிவகுக்கும். மருந்துகள் உதவினாலும், இயற்கையான வாழ்க்கைமுறை மாற்றங்கள் நீண்டநாள் நலத்துக்கு உதவுகின்றன.
உணவில் உப்பை குறைப்பது முக்கியம். தினசரி 5 கிராமுக்கு குறைவாக உப்பு எடுத்துக்கொள்வது இரத்த அழுத்தத்தை குறைக்கும். DASH டயட் என்பது பழங்கள், காய்கறிகள், குறைந்த கொழுப்பு பால் உணவுகள் மற்றும் பருப்புகளை அடிப்படையாக கொண்டது.
புகைபிடிப்பு மற்றும் அதிக மது அருந்துதல் இரத்த அழுத்தத்தை உயர்த்தும். அதனால்இவற்றைத் தவிர்க்க வேண்டும். தினசரி குறைந்தது 30 நிமிடங்கள் நடைபயிற்சி அல்லது ஏதேனும் உடற்பயிற்சி மேற்கொள்வது மிக முக்கியம்.உடல் எடையை கட்டுப்படுத்துவது கூட அவசியம்.
சிறிய அளவில் எடையைக் குறைப்பது கூட இரத்த அழுத்தத்தில் நல்ல மாற்றத்தை ஏற்படுத்தும். ஆரோக்கியமான உணவுமுறை, தவிர்க்க வேண்டிய பழக்கவழக்கங்களை தவிர்த்தல், போதிய தூக்கம் மற்றும் மனஅழுத்தத்தைக் குறைப்பதும் முக்கியம்.இவை அனைத்தும் ஒருங்கிணைந்து உயர் இரத்த அழுத்தத்தை இயற்கையாகக் கட்டுப்படுத்த உதவுகின்றன. மருத்துவ ஆலோசனையுடன் இந்த வழிமுறைகளைச் செயல்படுத்துவது சிறந்தது.
