சென்னை: பேரிச்சம் பழத்தில் வளமான அளவில் ஊட்டச்சத்துக்கள் நிறைந்துள்ளதால், தினமும் பேரிச்சம் பழத்தை உட்கொண்டு வந்தால், ஒரு நாளைக்கு ஒருவருக்கு வேண்டிய ஊட்டச்சத்துக்கள் குறிப்பாக காப்பர், பொட்டாசியம், நார்ச்சத்து, மாங்கனீசு, வைட்டமின் பி6, மக்னீசியம் போன்றவற்றைப் பெறலாம்.
பேரிச்சையில் உள்ள நார்ச்சத்துக்கள் எளிதாக ஜீரணமாகும். உண்டதும் புத்துணர்ச்சியும், சக்தியும் உடலுக்கு கிடைக்கிறது. கெட்ட கொழுப்புகளை உறிஞ்சி அகற்றும் ஆற்றல் பேரிச்சைக்கு உண்டு. பெருங்குடற் பகுதியில் புற்றுநோயை உருவாக்கும் ரசாயனங்களை நீக்குவதிலும் பேரிச்சைக்கு ஈடு இல்லை. டேனின்ஸ் எனும் ஆன்டி ஆக்ஸிடென்ட் பேரிச்சையில் உள்ளது. இது நோய்த் தொற்று, ரத்தம் வெளியேறுதல், உடல் உஷ்ணமாதல் ஆகியவற்றுக்கு எதிராக செயல்படக்கூடியது.
மேலும் பேரிச்சை மிகவும் அற்புதமான ஒன்று. வைட்டமின்கள், தாதுக்கள் மற்றும் சத்துப் பொருட்கள் இதில் நிறைந்துள்ளன. சீரான உடல் வளர்ச்சிக்கும், நலமாக இருப்பதற்கும் ஒவ்வொருவரும் அவசியம் பேரீச்சை உண்ண வேண்டும்.‘வைட்டமின் ஏ’, பேரிச்சையில் ஏராளமான அளவில் உள்ளது. இது கண் பார்வைக்கும், குடஆரோக்கியத்திற்கும், சருமத்திற்கும் அவசியமானது.சிறந்த நோய் எதிர்ப் பொருள்களான லுடின், ஸி-சாந்தின் மற்றும் பீட்டா கரோட்டின் நிறைந்துள்ளது. இவை குடல், தொண்டை, மார்பகம், நுரையீரல், இரைப்பை ஆகிய உறுப்புகளைத் தாக்கும் புற்றுநோய்களுக்கு எதிராக செயல்படக் கூடியது.
பேரிச்சை இரும்புச் சத்தை ஏராளமாக அள்ளி வழங்கும்.பேரிச்சம் பழத்தை அனைவரும் விரும்பி சாப்பிடும் ஒரு பழமாகும்.பேரிச்சம் பழத்திற்கு இணையாக வேறு எதுவும் இருக்க முடியாது.சளி, இருமலுக்கு பேரீச்சம் பழத்தின் விதையை நீக்கி பசும் பாலில் போட்டு நன்கு காய்ச்சி பருகி வந்தால் சீக்கிரத்தில் சளி, இருமல் குணமாகும்.
அதே சமயம் இந்த பழத்தில் வளமான அளவில் ஊட்டச்சத்துக்கள் நிறைந்து காணப்படுகிறது. இதில் பொட்டாசியம், கால்சியம், பாஸ்பரஸ் போன்ற மூலப்பொருட்கள் அதிகம் காணப்படுகின்றன.பேரிச்சம் பழமானது மனித உடலின் எலும்பு தேய்மானத்தை குறைக்கிறது. மேலும் எலும்புகளுக்கு உறுதித்தன்மையையும் அளிக்கிறது.100 கிராம் பேரிச்சையில் 0.90 மில்லிகிராம் இரும்புச் சத்து உள்ளது. இரும்புத் தாது, ரத்தத்திற்கு சிவப்பு நிறம் வழங்கும் ஹீமோகுளோபின் உருவாக்கத்தில் பங்கு வகிப்பதாகும்.
இது ரத்தத்தில் ஆக்சிஜனை சுமந்து செல்லும் ப்ளேட்ளெட்ஸ் அளவை தீர்மானிப்பதிலும் பங்கெடுக்கிறது.பொட்டாசியம் தாது குறிப்பிட்ட அளவில் உள்ளது.தினமும் பேரிச்சம் பழத்தை சாப்பிட்டு வருபவர்களுக்கு மூட்டு தேய்மானம், எலும்புகள் வலுவிழப்பது போன்ற பிரச்சினைகள் ஏற்படாமல் தடுக்கிறது.பேரிச்சம் பழத்துடன் பாதாமும் சேர்த்து பாலில் கலந்து காய்ச்சி அருந்தி வந்தால் நரம்பு தளர்ச்சி நீங்கும். கை, கால் தளர்வும் முற்றிலும் குணமாகும்.
இது மட்டுமில்லாமல் இதயத்துடிப்பு மற்றும் ரத்த அழுத்தம் ஆகியவற்றை கட்டுப்படுத்துவதிலும் பங்கு வகிக்கிறது. இதனால் ஏற்படும் பக்கவாதம், இதய வியாதிகள் ஏற்படாமலும் காக்கிறது. இதில் உள்ள கால்சியம், எலும்புகள் மற்றும் பற்களின் பலத்திற்கு அவசியம். நாடித் துடிப்பை சீராக்குதல் மற்றும் ரத்தக் கட்டி ஏற்படுவதை தடுத்தல் ஆகியவற்றிலும் பங்கு வகிக்கிறது.இயற்கை சர்க்கரைகளான குளுக்கோஸ், சுக்ரோஸ் மற்றும் புரூக்டோஸ் போன்றவை பேரிச்சம் பழத்தில் நிறைந்துள்ளன. இதை தினமும் சாப்பிட உடலின் ஆற்றல் அதிகரிக்கும்.ஆண்கள் அன்றாடம் இதை சாப்பிட்டு வந்தால், ஆண்களை அதிகம் தாக்கும் கொலஸ்ட்ரால் பிரச்சினை மற்றும் இதர பிரச்சினைகளைத் தடுக்கலாம்.
இதில் கொழுப்பு மிகவும் குறைவு.பொதுவாக பெண்களுக்கு அதிக கால்சியம் சத்தும், இரும்புச்சத்தும் தேவை. மாதவிலக்கு காலங்களில் ஏற்படும் உதிர போக்கால் இந்த சத்துக்கள் குறைகின்றன.இதை நிவர்த்தி செய்யவும், ஒழுங்கற்ற மாத விலக்கை ஒழுங்கு படுத்தவும் பேரிச்சம் பழம் அருமருந்தாகிறது. இது நீண்ட நேரம் செயலாற்றும் சக்தியையும் உடலுக்கு கொடுக்கும்.
