தமிழ் திரையுலகின் மக்கள் செல்வன் விஜய் சேதுபதிக்கு சர்வதேச அளவில் புதிய அங்கீகாரம் கிடைத்துள்ளது.
சர்வதேச எம்மி விருது விழாவில் விருது வழங்கும் நிகழ்ச்சியில் பங்கேற்கும் முதல் இந்தியர் என்ற பெருமையை அவர் பெற்றுள்ளதாக இந்து தமிழ் திசை செய்தி வெளியிட்டுள்ளது.
வித்தியாசமான கதாபாத்திரங்களைத் தேர்ந்தெடுத்து நடித்து வரும் விஜய் சேதுபதி, தமிழ் மட்டுமின்றி தெலுங்கு, இந்தி உள்ளிட்ட மொழிகளிலும் தனது நடிப்புத் திறமையை வெளிப்படுத்தி வருகிறார். வணிக ரீதியான திரைப்படங்கள் மட்டுமின்றி கதைக்கு முக்கியத்துவம் அளிக்கும் படங்களிலும் தொடர்ந்து நடித்து வருகிறார்.
இந்த நிலையில் சர்வதேச திரைப்பட மற்றும் தொலைக்காட்சித் துறையின் முக்கியமான விருது மேடையில் அவருக்குக் கிடைத்துள்ள வாய்ப்பு தமிழ் சினிமாவுக்கும் பெருமை சேர்க்கும் வகையில் அமைந்துள்ளது.
