தமிழ் திரையுலகில் வளர்ந்து வரும் முன்னணி நடிகைகளில் ஒருவரான பிரியா பவானி சங்கர் தனது நீண்ட நாள் காதலரான ராஜ்வேல் ராஜை திருமணம் செய்து கொண்டுள்ளார்.
கல்லூரிப் பருவத்தில் தொடங்கிய இவர்களது காதல் சுமார் 14 ஆண்டுகளைக் கடந்த நிலையில் திருமணத்தில் இணைந்துள்ளது. மிகவும் எளிமையான முறையில் நெருங்கிய உறவினர்கள் மற்றும் நண்பர்கள் முன்னிலையில் திருமணம் நடைபெற்றதாக தகவல்கள் தெரிவிக்கின்றன.
திருமணத்தைத் தொடர்ந்து இருவரும் இணைந்து எடுத்துக்கொண்ட புகைப்படங்களை பிரியா சமூக வலைதளத்தில் பகிர்ந்துள்ளார். இதற்கு திரையுலகினர் மற்றும் ரசிகர்கள் வாழ்த்துகளைத் தெரிவித்து வருகின்றனர்.
சின்னத்திரையில் செய்தி வாசிப்பாளராகத் தனது பயணத்தைத் தொடங்கிய பிரியா, பின்னர் ‘கல்யாணம் முதல் காதல் வரை’ தொடரின் மூலம் பிரபலமானார். ‘மேயாத மான்’ திரைப்படம் அவருக்கு வெள்ளித்திரையில் நல்ல அறிமுகத்தைக் கொடுத்தது.
தற்போது டிமான்டி காலனி 3 உள்ளிட்ட படங்களில் நடித்து வருகிறார். திருமணத்துக்குப் பிறகும் தொடர்ந்து திரைப்படங்களில் நடிக்க உள்ளார்.
