நடிகை டாப்ஸி பன்னு தற்போது இந்தி படங்களில் நடித்து வருகிறார். கதாநாயகிக்கு முக்கியத்துவம் உள்ள கதைகளில் நடித்து வரும் அவர், ஷாருக்கானுடன் டங்கி மற்றும் வருண் தவானுடன் ஜுட்வா 2 ஆகிய படங்களில் நடித்துள்ளார். இந்நிலையில், பெரிய ஹீரோ படங்களில் கதாநாயகிகளின் தேர்வில் கதாநாயகர்களின் தலையீடு இருப்பதாக டாப்சி புகார் தெரிவித்துள்ளார்.
இதுகுறித்து அவர் அளித்துள்ள பேட்டியில், “டங்கி, ஜுட்வா 2 போன்ற படங்களில் எனக்கு சம்பளம் அதிகம் என்று நினைக்கிறார்கள். அதில் உண்மையில்லை. நான் முக்கிய வேடத்தில் நடித்த ‘ஹசீன் தில்ரூபா’ போன்ற படங்களில் கூட இதைவிட அதிக சம்பளம் வாங்கினேன். ஆனால், பெரிய ஹீரோ படங்களில் அது கிடைக்காது. ஏனென்றால் முன்னணி ஹீரோயின் படத்தில் நடிக்க வாய்ப்பு கொடுத்து எனக்கு உதவுவதாக நினைக்கிறார்கள்.
ஏற்கனவே ஒரு பிரபலமான ஹீரோ இருக்கிறார். அப்புறம் எதுக்கு அதிக சம்பளம் வாங்குற ஹீரோயின்?’ இந்தக் கருத்துகளுக்கு எதிராக நான் தினமும் போராடுகிறேன். அப்படிப்பட்ட படங்களில் ஹீரோயின் யார் என்பதை ஹீரோக்கள்தான் முடிவு செய்வார்கள் என்பது ரசிகர்களுக்குத் தெரியும்,” என்றார்.
