சென்னை: ஆரோக்கியம் நிறைந்த பீட்ரூட்டில் அல்வா செய்து கொடுங்கள். குழந்தைகள் விரும்பி சாப்பிடுவார்கள்.
தேவையான பொருட்கள்
பீட்ரூட் – 2
பால் – 2 மேஜைக் கரண்டி
கண்டென்ஸ்டுமில்க் – 2 மேஜைக் கரண்டி
நெய் – 1/2 கோப்பை
ஏலக்காய் – 4
உலர்ந்த திராட்சை – 5
சர்க்கரை – 1 1/2 கோப்பை
வறுத்த முந்திரி – 10
செய்முறை: பீட்ரூட்டை தோல் நீக்கி சுத்தம் செய்து துருவிக் கொள்ளவும். துருவிய பீட்ரூட்டை பாலுடன் சேர்த்து மிக்சியில் அரைத்துக் கொள்ளவும்.
அகன்ற பாத்திரத்தில் நெய், அரைத்த பீட்ரூட் விழுது, சர்க்கரை, கண்டென்ஸ்டு மில்க் ஆகியவற்றை போட்டு வேக விடவும். வேகும் போது நன்கு கிளறி விடவும்.
நன்கு பதமாக வெந்ததும், அடுப்பிலிருந்து இறக்கி, ஏலக்காய் பொடி, வறுத்த முந்திரி, உலர்ந்த திராட்சை ஆகியவற்றை சேர்க்கவும்.
