மதுரை: தமிழக முதல்வர் நாங்கள் ஆட்சிக்கு வந்தால் கடந்த காலங்களில் அரசு ஊழியர்கள், ஆசிரியர்கள் போராடிய இடங்களுக்கு வருவோம் என உறுதியளித்துள்ளார். 2021-ம் ஆண்டு சட்டப்பேரவைத் தேர்தலின்போது புதிய ஓய்வூதியத் திட்டத்தை ரத்து செய்துவிட்டு பழைய ஓய்வூதியத் திட்டத்தை அமல்படுத்துவதாக உறுதியளித்தார்.
ஆட்சிக்கு வந்து மூன்றரை ஆண்டுகள் ஆகியும் அவர் அளித்த வாக்குறுதிகளை நிறைவேற்றவில்லை. மாறாக, அரசு ஊழியர்களின் 24 மாத பணிநீக்க ஊதியம், ஊக்க ஊதிய உயர்வு, ஈட்டிய விடுப்பு ஒப்படைப்பு, கருணை பணி நியமனம் ஆகியவற்றை முடக்கி அனைத்து உரிமைகளையும் முடக்கியதே இவரது சாதனை.
தலைமைச் செயலகத்தில் நேற்று நடைபெற்ற பள்ளிக் கல்வித் துறை ஆய்வுக் கூட்டத்தில் நிதி சாராத கோரிக்கைகளை மட்டும் நிறைவேற்ற தமிழக முதல்வர் உத்தரவிட்டுள்ளதாகத் தெரிகிறது. அரசு ஊழியர்களின் பழைய ஓய்வூதியத் திட்டம் உள்ளிட்ட நிதிக் கோரிக்கைகளை நிறைவேற்ற வாய்ப்பில்லை எனக் கூறி அவர்களுக்கு துரோகம் இழைத்துள்ளார்.
உண்மையிலேயே நிதி நிலைமை மோசமாக இருந்தால், நிதி நிலைமை சீராகும் வரை எங்களுக்கு சம்பளம் வேண்டாம் என்று தமிழக முதல்வர், அமைச்சர்கள், சட்டமன்ற உறுப்பினர்கள் அறிவிப்பார்களா? அரசு ஊழியர்கள் மற்றும் ஆசிரியர்களிடம் இருந்து பிடித்தம் செய்யப்பட்ட சிபிஎஸ் சந்தா தொகை தமிழக அரசால் தவறாக கையாளப்படுகிறது.
தற்போது போக்குவரத்து ஊழியர்களுக்கு ஓய்வூதிய பலன்கள் கிடைக்காத சூழ்நிலையில் அரசு ஊழியர்களும் பாதிக்கப்பட உள்ளனர். தமிழக முதல்வர் எதிர்க்கட்சித் தலைவராக இருந்தால் மட்டுமே அரசு ஊழியர்கள், ஆசிரியர்களை சந்திப்பார் என்றால், 2026 தேர்தலில் அவருக்கு பரிசளிக்க தயாராக இருக்கிறோம் என்பதை சொல்லக் கடமைப்பட்டுள்ளோம். இவ்வாறு அந்த அறிக்கையில் கூறப்பட்டுள்ளது.
