சென்னை: தவறான தகவல்… தவெகவிற்கு அதிமுக ஆதரவு அளிக்க உள்ளதாக வெளியான தகவல் தவறானது என்று அதிமுக முன்னாள் அமைச்சர் கே.பி. முனுசாமி தெரிவித்துள்ளார்.
தமிழ் நாடு சட்டமன்றத் தேர்தலில் தவெக 108 தொகுதிகளில் வெற்றி பெற்றது. தொடர்ந்து திமுக கூட்டணியில் இருந்து விலகி காங்கிரஸ் தவெகவிற்கு ஆதரவு அளித்துள்ளது. இதனால் தவெகவின் ஆதரவு எம்.எல்.ஏக்களின் எண்ணிக்கை 113 ஆக உயர்ந்துள்ளது. இன்னும் 5 எம்.எல்.ஏ-களின் ஆதரவு தேவைப்படும் அதிமுகவில் ஒரு தரப்பினர் விஜய்க்கு ஆதவளிக்க விரும்பவதாக கூறப்பட்டது.
முன்னதாக எடப்பாடி பழனிசாமி தலைமையில் இன்று நடைபெற இருந்த அதிமுக-வின் எம்.எல்.ஏ.க்கள் ஆலோசனைக் கூட்டம் ரத்து செய்யப்பட்டது. மறுபுறம் முன்னாள் அமைச்சர் சி.வி. சண்முகத்தின் உறவினர் வீட்டில் இன்று காலை தனியாக ஒரு ஆலோசனைக் கூட்டம் நடைபெற்றது. இந்த கூட்டத்தில் முன்னாள் அமைச்சர் வேலுமணி எம்.எல்.ஏ உள்ளிட்ட அதிமுகவினர் கலந்து கொண்டனர்.
இதனை தொடர்ந்து எஸ்.பி வேலுமணி மற்றும் சிவி சண்முகம், சி.விஜயபாஸ்கர் ஆகியோர் அதிமுக பொதுசெயலாளர் எடப்பாடி பழனிசாமியை சந்தித்து ஆலோசனை நடத்தினர்.
இதனை தொடர்ந்து செய்தியாளர்களை சந்தித்த முன்னாள் அமைச்சர் கே.பி. முனுசாமி, தவெகவிற்கு அதிமுக ஆதரவு அளிக்க உள்ளதாக வெளியான தகவல் தவறானது. அதிமுக பெரிய இயக்கம் என்றும் தமிழக வெற்றிக்கழகம் கட்சிக்கு ஆதரவு கிடையாது என்று தெரிவித்தார்.
