சென்னையில் அலங்கார தங்கத்தின் விலை நேற்று பவுனுக்கு ரூ.120 குறைந்து ரூ.70,040-க்கு விற்பனையானது. சர்வதேசப் பொருளாதாரச் சூழலுக்கு ஏற்ப தங்கம் விலையில் ஏற்ற இறக்கம் உள்ளது. கடந்த 12-ம் தேதி ஒரு பவுன் ரூ. 70,160, புதிய உச்சத்தைத் தொட்டது. தங்கம் விலை மேலும் உயரும் என எதிர்பார்க்கப்பட்டது.
இந்நிலையில் நேற்று சென்னையில் அலங்கார தங்கத்தின் விலை சற்று குறைந்துள்ளது. கிராமுக்கு ரூ. 15 குறைந்து ரூ. 8,755 மற்றும் பவுனுக்கு ரூ. 120 குறைந்து ரூ. 70,040-க்கும் விற்பனையானது.
24 காரட் தூய தங்கம் ஒரு பவுனுக்கு ரூ. 76,400-க்கு விற்கப்பட்டது. வெள்ளியின் விலை கிராமுக்கு ரூ.2 குறைந்து ரூ. 108 ஆகவும், கட்டி வெள்ளியின் விலை கிலோ ரூ. 2,000 குறைந்து ரூ. 1 லட்சத்து 8 ஆயிரமாகவும் உள்ளது.
