தென் அமெரிக்க நாடான கொலம்பியாவில் ராணுவ தளம் மீது நடத்தப்பட்ட டிரோன் தாக்குதலில் மூன்று ராணுவ வீரர்கள் உயிரிழந்தனர். மேலும் 16 பேர் காயமடைந்தனர். நாட்டின் வடக்குப் பகுதியில் உள்ள சான்டா ரோசா டெல் சுர் பகுதியில் இந்தத் தாக்குதல் நடைபெற்றதாக ராணுவம் தெரிவித்துள்ளது.
தாக்குதல் நடத்தப்பட்ட பகுதியில் பல்வேறு ஆயுதக் குழுக்களின் நடமாட்டம் இருப்பதாகக் கூறப்படுகிறது. குறிப்பாக கோல்ஃப் கிளான், தேசிய விடுதலை ராணுவம் மற்றும் முன்னாள் புரட்சிகர ஆயுதப்படைகளிலிருந்து பிரிந்த குழுக்கள் இடையே ஆதிக்கப் போட்டி நிலவி வருகிறது.
டிரோன்கள் மூலம் ராணுவ முகாமைத் தாக்கியவர்கள் யார் என்பது குறித்து அதிகாரிகள் விசாரணை நடத்தி வருகின்றனர். தாக்குதலுக்குப் பின்னணியில் எந்த அமைப்பு செயல்பட்டது என்பது இதுவரை உறுதிப்படுத்தப்படவில்லை.
நாட்டின் பாதுகாப்புக்கு அச்சுறுத்தல் ஏற்படுத்தும் ஆயுதக் குழுக்களுக்கு எதிராக நடவடிக்கை தீவிரப்படுத்தப்படும் என்று அதிபர் அபேலார்டோ டெ லா எஸ்பிரியெல்லா எச்சரித்துள்ளார். இந்தச் சம்பவம் கொலம்பியாவின் உள்நாட்டுப் பாதுகாப்பு விவகாரத்தில் மீண்டும் கவனத்தைத் திருப்பியுள்ளது.
