சென்னை: இது தொடர்பாக போக்குவரத்துத் துறை அதிகாரிகள் கூறியதாவது:- கிராமப்புறங்களுக்கு விரிவுபடுத்துவதற்காக கடந்த ஜூன் மாதம் தமிழக அரசு மினி பேருந்து திட்டத்தை அறிமுகப்படுத்தியது. இதில் சுமார் 1,000 ஆபரேட்டர்கள் மட்டுமே பதிவு செய்துள்ளனர்.
ஆனால் குறைந்தது 5,000 மினி பேருந்துகள் தேவை. இந்த சூழ்நிலையில், அனைத்து பகுதிகளிலும் உள்ள மக்களுக்கு போக்குவரத்து வசதிகளை உறுதி செய்வதற்காக தனியார் மேக்ஸி கேப் வேன்கள் மினி பேருந்துகளாக இயக்க அனுமதிக்கப்பட்டுள்ளன. அதன்படி, 12 முதல் 16 இருக்கைகள் கொண்ட வேன்களை பொதுப் போக்குவரத்திற்குப் பயன்படுத்தலாம்.
இதற்காக, பொதுப் போக்குவரத்து வாகனங்களின் குறைந்தபட்ச உயரம் 185 செ.மீட்டரிலிருந்து 200 செ.மீட்டராக திருத்தப்பட்டுள்ளது. அறிக்கை சமர்ப்பிக்க உத்தரவு: அதே நேரத்தில், பயணிகள் வேன்களில் நிற்க அனுமதிக்கப்படவில்லை. இதுபோன்ற திட்டத்தை அறிமுகப்படுத்துவதன் மூலம், மலைக்கிராமங்கள் உள்ளிட்ட கிராமப்புறங்களில் உள்ள மக்கள் பேருந்து சேவையைப் பெறுவார்கள். இதை விரிவாக ஆய்வு செய்து அறிக்கை சமர்ப்பிக்கவும் தலைமைச் செயலாளர் அறிவுறுத்தியுள்ளார்.
இதுகுறித்து, மினி பஸ் உரிமையாளர்கள் கூறியதாவது: தற்போது மக்களின் பொருளாதார வசதிகள் மேம்பட்டுள்ளன. பெண்களுக்கு இலவச பஸ் சேவையை வழங்கியதால், நாங்கள் ஏற்கனவே நஷ்டத்தில் இயங்கி வருகிறோம். இயக்குபவர்களின் எண்ணிக்கை குறைந்திருந்தால், அது அரசின் நடவடிக்கைகளால் தான். பஸ்களை இயக்க உரிமம் கேட்டு காத்திருப்பவர்களுக்கு அனுமதி வழங்கப்படவில்லை. இதன் விளைவாக, 2,000 பஸ்கள் நிறுத்தப்பட்டுள்ளன. அவர்களில் பலர் தங்கள் வாகனங்களை விற்று, தொழிலை விட்டு வெளியேறிவிட்டனர்.
மேலும், மினி பஸ்களுக்கான வீல் பேஸ் 3,900 மிமீ இருக்க வேண்டும் என்ற விதி உள்ளது. சந்தையில் இதுபோன்ற பஸ்கள் மிகக் குறைவு. இதை மாற்றக் கோரியிருந்தாலும், அது செய்யப்படவில்லை. இவை அனைத்திற்கும் மேலாக, குறைந்தபட்ச கட்டணம் ரூ.10 ஆக நிர்ணயிக்கப்பட வேண்டும். இது ஒரு நியாயமான கோரிக்கை என்று அரசு தரப்பிலிருந்து கூட குரல்கள் எழுந்துள்ளன.
அவர்கள் எதையும் செய்யவில்லை. அதனால்தான் புதிய விண்ணப்பங்கள் வந்திருக்காது. இவற்றில் சில நிறைவேற்றப்பட்டிருந்தால், குறைந்தது 3,000 மினி பஸ்களாவது அரசு எதிர்பார்த்தபடி இயக்கத் தொடங்கியிருக்கும். இவ்வாறு அவர்கள் கூறினார்.
