தஞ்சாவூர்: தஞ்சையில் அரச மரத்தில் இருந்து வடிந்த பால் விநாயகர் சிலை மீது விழுந்ததை பக்தர்கள் ஆச்சர்யத்துடன் பார்த்தனர்.
தஞ்சை மருத்துவக் கல்லூரி சாலை டி. பி. எஸ். நகர் அருகே அரச மரத்துக்கு அடியில் விநாயகர் சிலை உள்ளது. இந்நிலையில் இந்த அரச மரத்தில் இருந்து திடீரென பால் வடிய தொடங்கியது.
மேலும் அரச மரத்தில் இருந்து கீழே இருக்கும் விநாயகர் சிலை மீது பால் விழுந்தது. இந்த காட்சி அரச மரத்தில் இருந்து விநாயகருக்கு பால் அபிஷேகம் செய்தது போல் இருந்தது.
தகவலறிந்த பொதுமக்கள், பக்தர்கள் உடனே அங்கு வந்து அரச மரத்தில் இருந்து பால் வடியும் அதிசய செயலை பார்த்து மெய்மறந்தனர். சிறிது நேரத்தில் பால் வடிவது நின்று விட்டது. தொடர்ந்து அதிசய விநாயகரை பக்தர்கள் மெய் மறந்து வழிபட்டு சென்றனர்.
